शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः प्रहरीको बिशेष टोलीले नागढुङ्गाबाट कटुवा पेस्तोल सहित दुई जनालाई पक्राउ गरेको छ ।
महानगरीय प्रहरी प्रभाग नागढुंगाबाट प्रहरी निरीक्षक ज्ञानबहादुर खड्काको नेतृत्वमा खटिएको टोलीले चन्द्रागिरि नगरपालिका २ नागढुंगाबाट दुई जनालाई पक्राउ गरेको हो ।
मंगलबार अपरान्ह पक्राउ पर्नेहरूमा सुनसरी धरानका २४ वर्षीय शैलेस तामाङ र दाङ घोराहीका २० वर्षीय उज्वल गिरी रहेका छन् । बुटवलबाट काठमाडौं आउँदै गरेको गोप्य सुचनाको आधारमा लु १ ख ९९८८ नम्बरको बस चेकजाँच गर्ने क्रममा उनीहरुलाई पक्राउ गरिएको प्रहरीले जनाएको छ ।
प्रहरीले उनीहरुको साथबाट एउटा कटुवा पेस्तोल र एक थान गोली समेत बरामद गरेको छ । पक्राउ परेका दुबै जनालाई थप अनुसन्धानका लागि महानगरीय प्रहरी परिसर टेकु पठाइएको बताइएको छ ।
