शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः नेपाल प्रहरीको बिशेष टोलीले अवैध सुनसहित दुई जनालाई चाबहिलबाट पक्राउ गरेको छ ।
महानगरीय प्रहरी वृत्त कीर्तिपुरबाट खटिएको प्रहरी टोलीले मंगलबार साँझ उनीहरूलाइ १६ तोला १४ लाल सुन सहित पक्राउ गरेको हो ।
पक्राउ पर्नेहरूमा नवलपरासीका ४० वर्षीय धुब्रबहादुर दर्लामी र बाग्लुङका २५ वर्षीय नीरबहादुर परियार रहेका छन् । त्रिभुवन अन्तराष्ट्रिय विमानस्थल हुँदै सुन ल्याउँदै गरेको अवस्थामा उनीहरुलाई चाबहिलबाट पक्राउ गरिएको प्रहरीले जनाएको छ ।
पक्राउ परेकाहरूको साथमा रहेको सुनको मुल्य १२ लाख रुपैयाँ बराबर रहेको प्रहरीको अनुमान छ । पक्राउ परेका दुवैलाई थप अनुसन्धानको लागि राजश्व कार्यालय पठाएको बताइएको छ ।
