काठमाण्डौः स्वतन्त्र उर्जा उत्पादक संघ, नेपाल (ईप्पान) ले राखेका आफ्ना मागहरू सुनुवाई नगरेको भन्दै सरकारविरुद्ध जारी राखेको आन्दोलनका सबै कार्यक्रमहरूलाई निरन्तरता दिने घोषणा गरेको छ ।
स्वतन्त्र उर्जा उत्पादक संघ, नेपाल (ईप्पान) ले बुधबार पत्रकार सम्मेलनको आयोजना गरी दोस्रो चरणको आन्दोलनको घोषणा गरेको हो ।
पत्रकार सम्मेलनमा बोल्दै ईप्पानका अध्यक्ष शैलेन्द्र गुरागाँईले आफूहरुले राखेका मागहरू दशैं अगाडीसम्म पूरा नगरे रुग्ण २५ वटा जलविद्युत आयोजनाहरुको चावी कार्तिक १ गते सरकारलाई बुझाउने चेतावनी समेत दिएका छन् ।
विद्युत खरिद दरमा तथा प्रशारण लाईनमा देखिएका समस्या तत्काल समाधान गर्नुपर्ने लगायतका विभिन्न माग गर्दै इप्पानले आन्दोलन गर्दै आइरहेको छ । बुधबार थप घोषणा गरिएका कार्यक्रमहरूमा प्रधानमन्त्रीलाई कार्तिक १ गते ज्ञापन पत्र सहित चाबी बुझाउने कार्यक्रम रहेको छ।
