काठमाण्डौ: सातौं विश्व सैन्य खेलकुद’ प्रतियोगितामा सहभागी हुन सैनिक खेलाडी चीन जाने भएको छ ।
नेपाली सेनाले बुधबार राजधानीमा पत्रकार सम्मेलन गरी पहिलो पटक चीनको हुवे प्रान्तको युनानमा आगामी कात्तिक १ गतेदेखि सुरु हुने सातौं विश्व सैन्य खेलकुद प्रतियोगितामा सहभागी हुन चीन जान लागेको जानकारी गराएको हो ।
अन्तर्राष्ट्रिय सैनिक खेलकुद परिषद्ले यस बर्ष उक्त खेल चीनको युनान प्रान्तमा आयोजना गर्दैछ ।
सैनिक शारिरिक खेलकुदका महासेनानी शशिकिरण रायमाझीका अनुसार १ सय ५ राष्ट्रका १० हजार ७ सय १९ जना खेलाडीहरु सहभागी हुने उक्त प्रतियोगीतामा नेपाली सेना विभिन्न १३ वटा विधामा भाग लिने बताएका थिए ।
उक्त प्रतियोगितामा सहभागी हुन नेपाली सेना पहिलो पटक त्यसतर्फ जान लागेको हो ।
नेपाली सेनाले आर्चरी, ब्याडमिन्टन, बक्सिङ, घोडचढी, जुडो, तेक्वान्दो, कुस्ती, बिच भलिबल, मोर्डन पन्टाथलन, ट्रयाक एण्ड फिल्डल सहित १३ वटा विभिन्न प्रतियोगितामा भाग लिनेछ ।
विशेष अतिथिको रुपमा सो कार्यक्रममा उपप्रधान एवम् रक्षामन्त्री ईश्वर पोखरेलको समेत सहभागी हुने सैनिक स्रोतले जनाएको छ ।
