शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः सर्वोच्च अदालतले नेत्रविक्रम चन्द विप्लव नेतृत्वको नेपाल कम्युनिष्ट पार्टी कास्कीका जिल्ला ईन्चार्ज रुपेश भनिने कृष्ण प्रसाद वाग्लेलाई रिहा गर्न पुनः आदेश दिएको छ ।
सर्वोच्च अदालतका न्यायाधीश डा. आनन्दमोहन भट्टराईको एकल ईजलासले थुनामा राख्ने पर्याप्त कारण, आधार र प्रमाण नदेखिएको उल्लेख गर्दै वाग्लेलाई रिहा गर्न आदेश दिएको हो ।
चन्दा असुलीको अभियोगमा गएको गत भदौ ६ गते कास्कीबाट पक्राउ परेका विप्लव समुहका नेता वाग्लेलाई सर्वोच्च अदालतले शुक्रबार अपरान्ह रिहा गर्न आदेश दिएको थियो ।
रिहा भए लगत्तै उनलाई सर्वोच्चको मूल गेटबाटै प्रहरीले पुनः पक्राउ गरी नियन्त्रणमा लिएको छ । शुक्रबार महानगरीय प्रहरी परिसर काठमाण्डौंले उनलाई सर्वोच्च अदालतमा उपस्थित गराएको थियो ।
