शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः जिल्ला प्रहरी कार्यालय पर्शाबाट खटिएको टोलीले डेढ बर्षदेखी चोरी मुद्दाका फरार प्रतिवादीलाइ पक्राउ गरेको छ ।
वडा प्रहरी कार्यालय बिर्ता पर्साबाट खटिएको प्रहरी टोलीले चोरी मुद्दाका फरार प्रतिवादी पर्साको बीरगंज महानगरपालिका वडा नं.२ छप्कैया बस्ने नजिर देवानको छोरा बर्ष २० को सफरेज देवानलाई शुक्रबार साँझ पक्राउ गरेको हो ।
पर्सा जिल्ला अदालतले निज देवानलाइ गत जेठ १ गतेको फैसलाले १ महिना कैद र पचास हजार जरिवाना तोकेको थियो । त्यसलगत्तै फरार रहेका देवानलाइ प्रहरीको टोलीले एक बर्षदेखी खोजी रहेको थियो ।
खोज तलास गर्ने क्रममा शुक्रबार साँझ अन्दाजी ६ बजेको समयमा निजकै गाउँघरमा लुकिछिपी बसी रहेको अबस्थामा फेला पारी नियन्त्रणमा लिई आवश्यक कारवाहिको लागी जिल्ला प्रहरी कार्यालयमा राखिएको पर्सा प्रहरी कार्यालयले जनाएको छ ।
