काठमाण्डौ: प्रतिबन्धित नेकपा (बिप्लव) मोरङ जिल्ला सेक्रेटरी बिस्पोटक पदार्थ सहित पक्राउ परेका छन् ।
जिल्ला प्रहरी कार्यालय मोरङले बुढिगंगा गा.पा.-३ स्थायी बसोबास गर्ने मोरङ जिल्ला सेक्रेटरी आभाष भन्ने कुमार खतिवडालाई मोरङ्गको बिराटनगर महानगरपालिका वडा नम्बर ४ स्थित इक्राही चोकबाट पक्राउ गरेको हो ।
प्रतिबन्धित नेकपा (बिप्लव) समुह निकट युवा संगठनका सदस्य बिपिन भनिने राजु मग्रातीलाई प्रहरीले गत असोज ९ गते नियन्त्रणमा लिइ अनुसन्धान गरिरहेको थियो ।
सोही अनुसन्धानका क्रममा प्रहरीले शुक्रबार बिप्लपका मोरङ जिल्ला सेक्रेटरी आभाष भन्ने कुमार खतिवडालाई नियन्त्रणमा लिएको पत्रकार सम्मेलन मार्फत जानकारी गराइएको हो ।
प्रहरीले अनुसन्धान गर्ने क्रममा खतिवडाले कोठा भाडामा लिए बसेको मोरङ्गको सुन्दर हरैचा नगरपालिका वडा नम्बर ७ गोठगाँउ बस्ने राजेन्द्र लिम्बुको घरको पूर्व दक्षिण तर्फको कोठा खानतलासी गर्ने क्रममा उक्त बिस्पोटक पदार्थ समेत बरामद गरेको जनाएको हो ।
यसैगरी बुढिगंगा गा.पा.-७ बाल कुमार डाँगीको साथबाट तथा निजको दाजु रत्न कुमार डाँगीको केराघारीबाट बरामद भएको बिष्फोटक पदार्थ लगायतका बस्तु सहित प्रहरीले पत्रकार सम्मेलन मार्फत सार्वजनिक गरेको छ ।
