शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौ : काठमाण्डौको टेकुस्थित पुलमा बस र बलेरो जिप एक आपसमा ठोक्किएर दुर्घटना भएको छ ।
काठमाण्डौ महानगरपालिका-१२ टेकु पुलस्थित कनक पेट्रोल पम्प अगाडि बल्खुवाट त्रिपुरेश्र्वर आउदै गरेको बा ३ ख ४६७१ नम्बरको अरनिको यातायात लेखेको रिजर्भ बस र विपरित दिशाबाट आएको नेपाली सेनाको बा १ झ ६५८९ नम्बरको बलेरो जिप वोलेरो जीप एक आपसमा ठोक्किएका हुन् ।
आईतबार बिहान ७ बजे तिब्र गतिमा आएका सवारी एकआपसमा ठोक्किदा दुवै गाडीको अगाडीको भाग काम नलाग्ने अवस्थामा पुगेको प्रहरीले जनाएको छ ।
दोलखा शैलुङ्ग गा.पा. घर भएका बस चालक कोशिष तामाङ र सेनाका एम टी शाखामा कार्यरत ३२ बर्षिय चालक गौरसिंह महरालाई प्रहरीले कालिमाटीस्थित ट्राफिक कार्यालयमा नियन्त्रणमा लिई अनुसन्धान गरिरहेको छ । दुर्घटनाबाट कुनै मानवीय क्षती नभएको प्रहरीले जनाएको छ ।
