काठमाण्डौँ: ट्रिपरको ठक्करबाट काठमाण्डौँको सतुङ्गलमा १ जनाको मृत्यु भएको छ ।
थानकोटबाट कलंकीतर्फ जादै गरेको मोटरसाईललाई सतुङ्गलस्थित बागेश्वरी अस्पतालको ओरालोमा ट्रिपरले ठक्कर दिँदा मोटरसाइकलमा सवार १ जनाको घटनास्थलमै मृत्यु भएको छ भने दुर्घटनामा परि एक जना घाइते भएका छन् ।
बा २६ प ४९०३ नम्बरको मोटरसाइकललाई चन्द्रागिरी नगरपालिका-११ सतुङ्गल स्थित बागेश्वरी अस्पतालको ओरालोमा बा ३ ख ३८१७ नम्वरको ट्रिपरले ठक्कर दिँदा एक जनाको घटना स्थलमै मुत्यु भएको महानगरीय प्रहरी प्रभाग बलम्वुका प्रहरी निरीक्षक शकंर खड्काले बताएका छन् ।
मृत्यु हुनेमा चितवन रत्ननगर १६ का २५ वर्षिय सुनिल अधिकारी रहेका छन भने घाईते हुनेमा ललितपुर महाँलक्ष्मी नगरपालिका २ इमाडोल बस्ने वर्ष ४१ का टिका बहादुर बाँनिया रहेको प्रहरीले जनाएको छ ।
घाइते बाँनियाको सतुङ्गगलस्थित ओम समाज अस्पतालमा उपचार भइरहेको छ । ट्रिपर र ट्रिपर चालकलाई प्रहरी प्रवाग बलम्बुले नियन्त्रणमा लिएको छ ।
