काठमाण्डौः यौन दुर्व्यबहारको आरोपमा सोमबार साँझ पक्राउ परी प्रहरी हिरासतमा रहेका निवर्तमान सभामुख कृष्ण बहादुर महराको स्वास्थ्यमा समस्या देखिएको छ ।
काठमाण्डौ प्रहरी परिसर टेकुका प्रहरी प्रमुख एसएसपी उत्तम राज सुवेदीका अनुसार पक्राउ लगत्तै महराको त्रिवि शिक्षण अस्पतालमा स्वास्थ्य परिक्षण गरिएको छ । एसएसपी सुवेदीले महरामा उच्च रक्तचाप र अक्सिजनको कमी देखिएको जानकारी दिए । उनले भने पक्राउ पछि उहाँको स्वास्थ्य परिक्षण गरिएको हो ।
स्वास्थ्य परीक्षण गर्दा उच्च रक्तचाप र अक्सिजनको कमी देखिएको छ । महराले पहिलेदेखी नै उच्च रक्तचाप सम्बन्धी औषधि पनि खाने गरिरहनु भएको रहेछ । एसएसपी सुवेदीले महराको बयान अदालत र सरकारी वकिलको कार्यालय खुलेपछि मात्र सुरु हुने जानकारी दिएका छन् ।
अदालत असोज २८ गते मात्र खुल्नेछ । अदालत खुलेसँगै म्याद थपको अनुमति लिने जनाइएको छ । त्यसपछि दुवै पक्षलाई सरकारी वकिलको कार्यालयबाट बयान लिने क्रम हुने काम हुने सुवेदीले बताए । घटनाको मुद्धा भने काठमाण्डौं प्रहरी परिसर टेकुबाटै चल्ने सुवेदीले बताए ।
अदालतको दसैं बिदा २६ असोजसम्म रहेको छ । तर पूर्वप्रधानन्यायाधीश केशब प्रसाद उपाध्यायको निधनको शोकमा २७ गतेपनि अदालतमा बिदा दिइएको छ । महराको यो वर्षको दसैं काठमाडौँको अनामनगर स्थित सिंहदरबार प्रहरी बृतमा बित्नेछ । मुलुकी अपराध संहिता २०७४ को परिच्छेद १८ को करणी सम्बन्धी कसुरमा उक्त मुद्धा चल्ने देखिएको छ ।
निवर्तमान सभामुख कृष्ण बहादुर महरा सभामुखको सरकारी निवाश बालुवाटारबाट पक्राउ परेका महराले आईतबार राती नै शिक्षण अस्पतालमा स्वास्थ्य परिक्षण गरिएको छ ।
प्रहरीले उनले नियमित तथा फरेन्सिक दुबै तरिकाबाट स्वास्थ्य जाँच गरेको हो । सिंहदरबार बृतको हिरासत कक्षमा रहेका उनलाई उच्च रक्तचापसँगै स्वास्प्रश्वास समस्या पनि देखिएको छ । उनलाइ सामान्य हिरासत कक्षमानै अक्सिजन दिएर राखिएको प्रहरी स्रोतले बताएको छ । दसैं विदाका कारण सरकारी वकिलको कार्यालय बन्द रहेकाले अहिलेलाई उनीसँग नेपाल प्रहरीले मात्रै बयान लिने छ ।
महानगरीय प्रहरी वृत्त बानेश्वरको टोलीले निवर्तमान सभामुख कृष्णबहादुर महरालाई सभामुख निवास बालुवाटारबाट नियन्त्रणमा लिएको हो । बानेश्वर बृतका डिएसपी दुर्गा रेग्मी नेतृत्वको टोली कालो रङको स्कर्पियो गाडीमा महरालाइ लिनका लागि सभामुखको सरकारी निवाश प्रवेश गरेको थियो ।
संसद सचिवालयमा कार्यरत रोशनी शाहीसँग यौन दुर्व्यवहारको आरोप लागेपछि गत सोमबार राजीनामा दिएका निवर्तमान सभामुख महरालाई पक्राउ गर्न काठमाडौ जिल्ला अदालतले आइतबार पक्राउ पुर्जी जारी गरेको थियो ।
