काठमाण्डौः पाकिस्तानका प्रधानमन्त्री चीन भ्रमणमा निस्किएका छन् ।
तीन दिने चीन भ्रमणका क्रममा प्रधानमन्त्री इमरान खानले चीनिया राष्ट्रपति सि जिनपिङ र प्रधानमन्त्री ली खछ्याङसँग छुट्टाछुट्टै भेटवार्ता गर्नेछन् ।
भेटवार्तामा प्रधानमन्त्री खानले कस्मिर मुद्दाको विषयलाइ प्रमुखताका साथ उठाउने र त्यसमा चीनको समर्थन लिने प्रयास गरिरहेको अन्तर्राष्ट्रिय सञ्चारमाध्यमहरुले जनाएका छन् ।
गत फेब्रुअरीमा पाकिस्तानसँग काश्मिर बिषयमा भएको द्वन्द्वका क्रममा भारतीय वायु सेनाले हानेको मिसाएल लागि आफ्नै हेलिकोप्टर खस्दा छ जनाको मृत्यु भएको भारतले शुक्रबार पुष्टी गरिसकेको छ ।
त्यसअघि भारतले कस्मिरको छुट्टै राज्यको अधिकार संविधानबाट खारेज गरेपछि पाकिस्तान तनाबमा देखिएको छ ।
प्रधानमन्त्री खानको तीन दिने चीन भ्रमणका क्रममा चीन-पाकिस्तान आर्थिक करिडोर परियोजनाबारे पनि छलफल हुनेछ ।
चिनियाँ राष्ट्रपति सि जिनपिङ्गको भारत भ्रमण हुनुअघि पाकिस्तानी प्रधानमन्त्रीको उक्त भ्रमणलाइ अर्थपूर्ण रूपमा हेरिएको छ ।
