काठमाण्डौ : बाँके जिल्लाको नेपालगञ्ज स्थित रामलीला मैदानमा मंगलबार बेलुकी राँवणको बध गरिएको छ ।
घटस्थापनादेखि नै सुरु भएको रामलीला महोत्सवमा नारद मोह, रामजन्म, ताड्का बध, जनकपुर आगमन, बजार फूलबारी, धनुष यज्ञ, परशुराम, वाणासुर, सीता स्वयम्वर, राम वनवास, दशरथ मरण, सीताहरण, लीला समेत गरि राँवण बध गरिएको हो ।
राम लिला मैदानमा छिमेकी मुलुक भारत र प्रदेश नम्बर ५ का विभिन्न जिल्लाबाट सहभागीहरु रावण बधको कार्यक्रम हेर्न आउने गरेका छन् । यसैगरी राम अनि सीताको जीवनीमा आधारित कथालाई हेर्न समेत आएको पाइन्छ ।
मध्यपश्चिम क्षेत्रमा दशैभर रामलिला मैदानमा हुने विशेष रौनकको मोह छुट्टै हुने गर्दछ ।
चाड्पर्वमा परम्परा नै भैसकेको बध हेर्ने चलन हजाराैं सर्वसाधारणको उपस्थितिमा राँवणको मूर्तिमा पटका पड्काएर यो बर्षपनि धुमधामका साथ रावणको बध गरेर विजय उत्सव मनाएको सहभागीहरुले बताएका छन् ।
