काँक्रेविहार (सुर्खेत), १ भदौः सुर्खेतमा नौ साहित्यकारलाई सम्मान गरिएको छ । सिर्जनशील विद्यार्थी समाजको आयोजनामा वीरेन्द्रनगरस्थित मध्यपश्चिम विश्वविद्यालयको केन्द्रीय क्याम्पसमा आयोजना गरिएको तेस्रो ‘सिजन’ काव्य शृङ्खलामा सहभागी स्रस्टालाई सम्मान गरिएको हो ।
गायक तथा सङ्गीतकार सन्तोष श्रेष्ठले आवाज दिनुभएको स्रस्टा सम्मान कार्यक्रममा नौ जनाको गजल प्रस्तुत गरिएको थियो । गजलकार रमेश सुवेदीको ‘प्यारो कर्णाली’ शीर्षकको गजलले सहभागीलाई ऊर्जा दिएको थियो ।
‘विश्वविद्यालय साहित्य समाजको अभियान, अग्रजलाई सम्मान, अनुजलाई प्रोत्साहन नाराका साथ सुरु भएको काव्य शृङ्खला छ गजल गायनमा गाउँठाउँका वर्णन अनि देशको अवस्था झल्किने भावहरु प्रकट भएका थिए । कार्यक्रममा गजलकार रमेश सुवेदी, ऋषि शर्मा ‘सुदामा’, महेन्द्र चन्द ‘महासागर’, धिरेन अनुपम, निराजन विष्ट, लिला ढकाल पोखरेल, सुवास गौतम र ज्ञानबहादुर नेपालीलाई सम्मान गरिएको थियो ।
