शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः संसद सचिवालयकी कर्मचारी बलात्कारको आरोपमा प्रहरी हिरासतमा रहेका निवर्तमान सभामुख कृष्णबहादुर महरा अस्पताल भर्ना भएका छन् ।
महराको स्वास्थ्यमा स्वासप्रश्वास र उच्च रक्तचापको समस्या देखिएपछि उपचारका लागि उनलाई थापाथलीस्थित नर्भिक अस्पतालमा बिहीबार मध्यान्ह भर्ना गरिएको हो ।
महानगरीय प्रहरी वृत्त सिंहदरबारको हिरासतमा रहेका महरालाई बिहीबार नै जिल्ला सरकारी वकिल कार्यालय काठमाण्डाैंमा बयान लिइएपछि उपचारका लागि थापाथलीस्थित नर्भिक अस्पताल लगिएको हो ।
महराको स्वास्थ्य चेक जाँचको पूरा रिपोर्ट नआएसम्म के भएको भन्न नमिल्ने उपचारमा संलग्न चिकित्सकले बताएका छन् ।
सिंहदरबार वृतको हिरासमा राखिएका महराको यसअघि नै स्वास्थ्यमा समस्या देखिएपनि अस्पताल जान उनले अस्विकार गरेका थिए । प्रहरीले त्यसपछि उनलाई हिरासतमै राखेर अक्सिजन दिएको थियो ।
