सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

सामान्य विषयलाई कविले असामान्य देख्छन् : महामन्त्री थापा

२०८२ भाद्र १३, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, १३ भदौ : नेपाली कांग्रेसका महामन्त्री गगनकुमार थापाले कविमा मात्र सामान्य विषयलाई असामन्य देख्ने र मिठासयुक्त बनाई पस्कन सक्ने उच्चकोटीको चेत हुने बताउनुभएको छ ।

कवि एवं गीतकार बिसुकुमार केसीको ‘पागल हुन कहाँ सजिलो छ र’ शीर्षक कविता सङ्ग्रहको आज यहाँ लोकार्पण गर्दै उहाँले कविता लेखन सजिलो कर्म नभई त्यसका लागि गहिरो र गाह्रो साधना आवश्यक पर्ने विचार प्रकट गर्नुभयो ।

महामन्त्री थापाले भन्नुभयो, “केसीका प्रत्येक कविता प्रश्न जगाउने र मनलाई हलचल गराउँछ । कृतिमा प्रकृति र समाजका विभिन्न परिवेशसँग जोडिएका विषयवस्तु समेटिएको छ ।”

समाजलाई सही दिशातर्फ सचेत गराउन चोटिलो र धारिलो भए पनि सभ्य शब्दको चयन गरेर कविताको ओजलाई कविले अझ खदिलो तुल्याएको उहाँको भनाइ थियो ।

पूर्वमन्त्री शङ्करप्रसाद कोइरालाले भाषा, साहित्य, कला र संस्कृतिले देशलाई विश्वमा चिनाउने भएकाले राज्यले यो विधालाई सोही दृष्टिबाट हेर्न आवश्यक रहेको बताउनुभयो । उहाँले भन्नुभयो, “सामान्य व्यक्तिभन्दा विषयवस्तु हेर्ने र बुझ्नेबारे कविको आँखा फरक हुन्छ । पागल हुने कुनै व्यक्तिको इच्छा नभए पनि कवि केसीले त्यसलाई सटिक ढङ्गबाट इच्छाका रूपमा देखाइदिनुभएको छ । जुन सबैका लागि कौतुहलको विषय बन्न पुगेको छ ।”

साहित्यकार डा नवराज लम्सालले सामान्यभन्दा फरक शाश्वत र यथार्थताको वर्णनले कवि र कविता विधालाई बलशाली तुल्याउने धारणा राख्नुभयो । उहाँले भन्नुभयो, “केसीका सृजना नयाँपन, सफल, शाश्वत र सफल छ । मानवीय चेतनालाई फरक ढङ्गले प्रस्तुत गर्ने कला भएका व्यक्तिमात्र कवि हुनसक्छ भन्ने पुष्टि गरेको छ ।”

साहित्यकार सुशीला पौडेलले स्वतन्त्र, स्वच्छन्दता, स्वाभाविक र हृदयस्पर्शी विषयवस्तु र शब्दको चयन गरिएरको कृतिमा आशावादी चिन्तन रहेको बताउनुभयो । त्यस अवसरमा चलचित्र निर्देशक ज्ञानेन्द्र देउजा, शिखा प्रकाशनका प्रबन्ध निर्देशक पुष्पराज पौडेल, साहित्यकार वियोगी बुढाथोकीले ‘पागल हुन कहाँ सजिलो छ र’ कृतिमा समाज, जीवन र जगत्लाई सहज रूपले बुझ्न र बुझाउन सक्ने शब्द र विषयवस्तु समेटिएको बताउनुभयो ।

त्यस अवसरमा कवयत्री उपमा केसीलगायत साहित्यकारले कृतिभित्रका विभिन्न कविता वाचन गर्नुभएको थियो । जिन्दगी र जिन्दगीहरू, प्रकृति र परिवेश, समय र सन्दर्भ, समाज र सास्ती, आफू र आफन्तहरू, माया र मनहरू तथा अन्तमासहित सात खण्डमा विभाजित उक्त कृतिमा हलुका जिन्दगी, शून्य, सन्ध्या, असल साथी, छाउगोठ, खल्ती, मूर्तिले माया गर्दैन र अलप हुन पाए भन्नेलगायत शीर्षका कविता रहेका छन् ।

शिखा बुक्सले प्रकाशन गरेको एक सय ४८ पृष्ठको उक्त कृतिको सफ्ट कभर मूल्य रु चार सय रहेको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

सोलुखुम्बुमा दुई साहित्यकार सम्मानित, आशुकविता प्रतियोगितामा सञ्जीव भण्डारी प्रथम

गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान

अन्तर्राष्ट्रिय साहित्य सम्मेलनमा सहभागी हुन कुलपति नेपाल बंगलादेश प्रस्थान

‘प्रिय कर्णाली’मा कर्णालीको सभ्यता, पहिचान र सामाजिक रूपान्तरणको विमर्श

साहित्यिक गतिविधि ‘डिजिटल’ बनाउन जोड

कविता बाचन गर्दै मनाइयो महाकविको जन्मजयन्ती

पूर्वकुलपति कर्माचार्यलाई सयपत्री राष्ट्रिय सम्मान प्रदान

साहित्यकार मोतीशोभाका पाँच कृति एकैसाथ विमोचित

टीका–गोपाल राष्ट्रिय गीत सङ्गीत पुरस्कार साहित्यकार दाहाललाई

चिनियाँ सांस्कतिक टोली सम्मानित

विमल गुरुङ कृति पुरस्कार भुपिन र जुनुको कृतिलाई

सीमान्त समुदायको भाषा, साहित्य र पहिचान प्रवर्द्धन गर्न जुम्लामा साहित्य सम्मेलन