काठमाण्डाैंः चीनियाँ राष्ट्रपति सी जिनपिङ नेपालको दुई दिने औपचारिक भ्रमणका सिलसिलामा शनिवार काठमाण्डौ आइपुगेका छन् ।
राष्ट्रपति विद्यादेवी भण्डारीको औपचारिक निमन्त्रणामा उनी शनिवार अपरान्ह पाैने पाँच बजे बिशेष बिमानबाट काठमाण्डौ आईपुगेका हुन् ।
दुईदिने भ्रमणका लागि एयर चाइनाको बिशेष बिमानबाट काठमाण्डौं आइपुगेका चीनियाँ राष्ट्रपति सि लाई नेपालका राष्ट्रपति विद्यादेवी भण्डारीले त्रिभुवन अन्तर्राष्ट्रिय विमानस्थलको अति विशिष्ट कक्षमा भव्य स्वागत गरेकी छिन् ।
स्वागत कार्यक्रममा उपराष्ट्रपति नन्दबहादुर पुन र प्रधानमन्त्री केपी शर्मा ओलीसहितका उच्च अधिकारीहरू एवं मन्त्रीपरिषद्का सबै सदस्यहरू विमानस्थलमा उपस्थित रहेका छन् ।
चीनको विशेष विमानमा सवार राष्ट्रपति सिलाइ काठमाण्डौं उत्रिए लगत्तै उनलाई कडा सुरक्षा प्रदान गरिएको छ ।
राष्ट्रपति सीको नेपाल आगमनको क्रममा (दिउँसो २:५५ बजेबाट साँझ ५:२५ बजेसम्म) र शनिबार (बिहान ११:२० बजेबाट दिउँसो १:५० बजेसम्म) स्वदेश फिर्तीको समयमा साँढे दुई घण्टा कुनै पनि आन्तरिक र अन्तर्राष्ट्रिय उडान/अवतरण गर्न रोक लगाइएको त्रिभुवन अन्तराष्ट्रिय विमानस्थलका प्रवक्ता प्रतापबाबु तिवारीले बताएका छन् ।
राष्ट्रपती सीले आजै राष्ट्रपति विद्यादेवी भण्डारी र नेपाली काँग्रेसका सभापति शेर बहादुर देउवासँग भेटवार्ता गर्ने छन् । त्यसैगरी
नेपाल बसाइको क्रममा राष्ट्रपति सी ले नेकपा अध्यक्ष पुष्पकमल दाहाल प्रचण्डसँग भेटवार्ता गर्नेछन् ।
