काठमाण्डौ : निर्वाचन आयोगले आगामी मङ्सिर १४ गते सम्पन्न हुने उपनिर्वाचनका लागि मतदान केन्द्र तोकेको छ ।
आयोगले आगामी उपनिर्वाचन हुने ३७ जिल्लाका सम्बन्धित निर्वाचन क्षेत्रमा २४७ स्थलमा ५३७ मतदान केन्द्र निर्धारण गरेको हो ।
आयोगका प्रवक्ता एवम् सहसचिव गिरिजा शर्माका अनुसार बढीमा १ हजार १ सय मतदानका लागि १ मतदान केन्द्र रहनेगरी आयोगले मतदान केन्द्र निर्धारण गरेको जनाएका हुन् ।
आयोगका प्रवक्ता एवम् सहसचिव गिरिजा शर्माका अनुसार उपनिर्वाचन हुने ३७ जिल्लाका सम्बन्धित निर्वाचन क्षेत्रमा कूल २४७ स्थलमा ५३७ मतदान केन्द्र रहने बताएका छन् । यसैगरी ८ सय वा सोभन्दा बढी मतदाता रहेका मतदान केन्द्र ३३७ रहेको र ८ सयभन्दा कम मतदाता रहेका केन्द्र २०० रहेको बताएका छन् ।
मंसिर १४ गते हुने उपनिर्वाचनमा प्रतिनिधिसभा सदस्य एक, प्रदेशसभा सदस्य तीन, नगरपालिका प्रमुख एक, गाउँपालिका अध्यक्ष तीन, गाउँपालिका उपाध्यक्ष एक र गाउँपालिका तथा नगरपालिका वडाध्यक्ष ४३ गरी कूल ५२ पदका लागि निर्वाचन हुँदैछ ।
