काठमाण्डौः राष्ट्रपति विद्यादेवी भण्डारीले दुई दिने नेपालको राजकीय भ्रमणका लागि नेपाल भ्रमणमा आएका चिनियाँ राष्ट्रपति सी जिनपिङको सम्मानमा सोल्टी होटलमा रात्रिभोजको आयोजना गरेकी छन् ।
रात्रीभोज कार्यक्रम शुरू हुनु अघि सोल्टी होटलमा दुवै देशका राष्ट्रप्रमुखहरूले सम्बोधन गरेका थिए । राष्ट्रपति भण्डारी र चिनियाँ समकक्षी सीले संयुक्त चियर्स गरी रात्रीभोजमा सक्रिय सहभागिता जनाएका थिए ।
राष्ट्रपती सी को सम्मानमा दिईएको रात्रीभोजमा उपराष्ट्रपति, प्रधानमन्त्री, प्रधानन्यायाधिश, राष्ट्रिय सभाका अध्यक्ष, उपसभामुख, मन्त्रीगणहरू, संवैधानिक अंगका प्रमुखहरू, सुरक्षा अंगका प्रमुखहरू, कुटनितिक नियोगका प्रमुखहरू, उद्योगी व्यवसायी लगायत उच्चपदस्थ व्यक्तिहरुको उपस्थिति रहेको थियो ।
रात्रिभोजमा सरिक हुनुअघि चिनियाँ राष्ट्रपति सी जिन पिङ र राष्ट्रपति विद्यादेवी भण्डारी, नेपाली काँग्रेसका सभापति शेर बहादुर देउवा तथा राष्ट्रिय सभाका अध्यक्ष गणेश तिमिल्सिना बीच शिष्टाचार भेटवार्ता भएको थियो ।
