सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

प्राडा जोशीद्वारा द्वाल्खा भाषामा लिखित दुई कृति लोकार्पण

२०८२ मंग्सिर ६, शनिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । प्राडा श्याम जोशीद्वारा द्वाल्खा भाषमा लिखित दुई वटा कृति लोकार्पण गरिएको छ । द्वाल्खा भाषाको संरक्षण र प्रवर्द्धनका लागि महत्त्वपूर्ण मानिएका उपन्यास ‘खोसु दुपानय निबार’ र कथासङ्ग्रह ‘थोंसी बोस’ आज यहाँ आयोजित एक विशेष समारोहबीच लोकार्पण गरिएको हो ।

कार्यक्रममा नेपाल प्रज्ञा–प्रतिष्ठानका उपकुलपति विमल निभाले पुस्तकहरूको मूल्याङ्कनसहित चर्चा गर्दै लेखक प्राडा जोशीले द्वाल्खा भाषा र संस्कृतिलाई साहित्यिक स्वरूपमा प्रस्तुत गरेर भाषा संरक्षण र प्रवर्द्धनमा महत्वपूर्ण योगदान पुर्‍याउनुभएको बताउनुभयो ।

प्राडा जोशीका कृतिहरूले केवल कथा–वस्तु मात्र नभई एक मौलिक भाषाको गहिरो पहिचान र सन्देश पनि पाठकसमक्ष पुर्‍याउन सफल भएको उपकुलपति निभाले बताउनुभयो । द्वाल्खा भाषामा सृजना हुँदै आएका साहित्यिक कृतिहरूमध्ये यी पुस्तकहरू विशेष योगदानका रूपमा हेरिएको उहाँले उल्लेख गर्नुभयो ।

भाषाविद् प्राडा दानराज रेग्मीले आज लोकार्पण गरिएका दुवै कृतिको प्रशंसा गर्दै द्वाल्खा भाषालाई बुझ्न र अध्ययन गर्न इच्छुक पाठकका लागि यी पुस्तकहरू महत्वपूर्ण स्रोत बन्ने विश्वास व्यक्त गर्नुभयो ।

द्वाल्खा भाषामा लामो समयदेखि अनुसन्धान र सृजनामा संलग्न लेखक प्राडा जोशीले लोकार्पण समारोहमा आफ्नो लेखन यात्रा र कृतिहरू लेखनका पछाडिका प्रेरणाबारे विस्तृत जानकारी दिनुभएको थियो । उहाँले उपन्यास ‘खोसु दुपानय निबार’ मा द्वाल्खा समुदायको जीवनशैली, संस्कार र सामाजिक सम्बन्धलाई कथाको केन्द्रमा राखिएको उल्लेख गर्नुभयो । साथै कथासङ्ग्रह ‘थोंसी बोस’ मा विविध सामाजिक परिवेशका भिन्नभिन्न कथाहरू समेटिएको उहाँले जानकारी दिनुभयो ।

समारोहमा लेखक प्राडा जोशीलाई रुपा फाउन्डेसनका पदाधिकारीले दोसल्लासहित सम्मान गर्नुभएको थियो । काठमाडौँमा सम्पन्न उक्त कार्यक्रममा साहित्य, भाषा, संस्कृति र शिक्षाका विज्ञको उपस्थिति उल्लेख्य थियो ।

द्वाल्खा भाषामा सिर्जना भएका यी कृतिहरू भाषिक विविधताको संरक्षणका लागि महत्वपूर्ण कदमका रूपमा हेरिएका वक्ताहरूले बताउनुभएको थियो । यस्ता साहित्यिक प्रयासले मौलिक भाषाको पहिचान, संरक्षण र उपयोगमा नयाँ ऊर्जा प्रदान गर्ने लेखक तथा विज्ञहरूले विश्वास व्यक्त गर्नुभएको थियो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

सोलुखुम्बुमा दुई साहित्यकार सम्मानित, आशुकविता प्रतियोगितामा सञ्जीव भण्डारी प्रथम

गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान

अन्तर्राष्ट्रिय साहित्य सम्मेलनमा सहभागी हुन कुलपति नेपाल बंगलादेश प्रस्थान

‘प्रिय कर्णाली’मा कर्णालीको सभ्यता, पहिचान र सामाजिक रूपान्तरणको विमर्श

साहित्यिक गतिविधि ‘डिजिटल’ बनाउन जोड

कविता बाचन गर्दै मनाइयो महाकविको जन्मजयन्ती

पूर्वकुलपति कर्माचार्यलाई सयपत्री राष्ट्रिय सम्मान प्रदान

साहित्यकार मोतीशोभाका पाँच कृति एकैसाथ विमोचित

टीका–गोपाल राष्ट्रिय गीत सङ्गीत पुरस्कार साहित्यकार दाहाललाई

चिनियाँ सांस्कतिक टोली सम्मानित

विमल गुरुङ कृति पुरस्कार भुपिन र जुनुको कृतिलाई

सीमान्त समुदायको भाषा, साहित्य र पहिचान प्रवर्द्धन गर्न जुम्लामा साहित्य सम्मेलन