काठमाण्डौ: प्रहरी महानिरीक्षक सर्वेन्द्र खनाल चिली प्रस्थान गरेका छ्न् ।
चिलीको सान्टियागोमा असोज २८ देखि कात्तिक १ गते (१५ देखि १८ अक्टोबर, २०१९) सम्म सञ्चालन हुने ईन्टरपोलको ८८औं महासभामा सहभागी हुन खनाल आइतबार राती त्यसतर्फ गएका हुन् ।
महासभामा सहभागी हुन प्रहरी प्रधान कार्यालय केन्द्रीय अनुसन्धान ब्यूरो (CIB) का प्रमुख प्रहरी नायव महानिरीक्षक निरज बहादुर शाही र प्रहरी प्रधान कार्यालय ईन्टरपोल शाखाका प्रमुख प्रहरी वरिष्ठ उपरीक्षक उमेश राज जोशी सहित महानिरिक्षक खनाल त्यसतर्फ प्रस्थान गरेको प्रहरी प्रधान कार्यालयले जनाएको छ ।
महानिरिक्षक खनाल NCB नेपालका प्रमुख हुन् भने १९४ इन्टरपोल सदस्य राष्ट्रका Head of NCB हरु सहभागी हुने महासभामा करिब १९ बुँदामा छ्लफल हुने कार्यक्रम रहेको छ ।
प्रहरी महानिरीक्षक खनालको नेतृत्वमा रहेको टोलीलाई प्रहरी अतिरिक्त महानिरीक्षक, प्रहरी नायव महानिरीक्षक लगायत वरिष्ठ प्रहरी अधिकृतहरूले त्रिभुवन अन्तर्राष्ट्रिय विमानस्थलमा शुभकामना सहित विदाई गरेका थिए ।
