शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौं: सप्तरीको राजविराजस्थित गजेन्द्रनारायण सिंह सगरमाथा अञ्चल अस्पतालमा बिरामीका आफन्तहरुले अस्पताल तोडफोड गरेका छन् ।
बिरामीका आफन्तहरुले अर्थोपेडिक विभागका हाडजोर्नी तथा नशा रोग विशेषज्ञ डा. ज्ञानेन्द्र झा र डा. प्रनेश यादव अस्पतालमा विरामीहरुको चेकअप गर्न नआएको भन्दै उक्त अस्पताल तोडफोड गरेको हो ।
डा. झा बिदामा रहेको तथा डा. यादव ईमरजेन्सीमा बिरामीको उपचार गरिरहेको अवस्थामा तोडफोड हुँदा बिरामी जाँच्ने कोठामा क्षति पुगेको अस्पताल प्रशासनले जनाएको छ ।
तोडफोडमा संलग्न राजविराज नगरपालिका–१ स्थायीघर भएका २२ वर्षीय गुञ्जन झालाइ प्रहरीले पक्राउ गरेको जिल्ला प्रहरी कार्यालयले जनाएको छ ।
