शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौ: बुद्ध एयरले राजपाका सांसद प्रमोद साहलाई कारबाही नभए उडान बन्द गर्ने चेतावनी दिएको छ ।
सांसद साहले सोमबार जनकपुरस्थित बुद्ध एयरको काउन्टरमा तोडफोड गरेको बिषयमा नेपाल वायुसेवा सन्चालक संघले आपत्ती जनाउदै आरोप लगाएको हो ।
जनकपुर बिमानस्थलमा बुद्ध एयरको काउन्टर तोडफोड गर्ने सांसद राष्ट्रिय जनता पार्टीका प्रमोदकुमार साह हुन् । उनलाई एक हप्तासम्म कानुनी कारबाही नभए सबै उडान बन्द गर्ने संघले मंगलबार चेतावनी दिएको छ ।
उडान ढिला भएको भन्दै तोडफोड गरिएको घटनाप्रति भत्सर्ना गर्दै संघले दोषीलाई तत्काल कारबाही गर्न समेत माग गरेको छ।
सांसद साहको विमान कम्पनीमा गरेको अभद्र गतिविधिलाई घोर निन्दा गर्दछ भन्दै संघले प्रेस विज्ञप्ति जारी गरि तोकिएको समयसम्म कार्बाही नभए उडान बन्द गरिने जानकारी गराएको छ ।
