काठमाण्डौः यौन दुर्व्यबहारको आरोपमा प्रहरी हिरासतमा रहेका निवर्तमान सभामुख कृष्णबहादुर महराले सरकारी वकिलको कार्यालयमा बयान दिन आनाकानी गरेका छन् ।
निवर्तमान सभामुख कृष्णबहादुर महराले स्वास्थ्य अवस्थाको कारण देखाउँदै आनाकानी गरेको प्रहरी स्रोतले जनाएको छ ।
असोज १९ गते सिंहदरबार प्रहरी हिरासतमा रहेका महराको श्वासप्रश्वासमा समस्या देखिएपछी असोज २३ गते नर्भिक अन्तराष्ट्रिय अस्पताल थापाथलीमा भर्ना गरि उपचरारत रहेका छन् ।
महरा उपचाररत नर्भिक अस्पतालले पनि स्वास्थ्यको कारण देखाउँदै बयान लिन नमिल्ने पत्र प्रहरीलाई पठाइसकेको जनाएको छ । महराको शरीरमा सुगरको मात्रा घटेको छैन । त्यसैगरी अनिद्रा र तनाव पनि क्रमश बढेको नर्भिक अस्पतालले जनाएको छ ।
प्रहरीले उनलाई प्रारम्भिक सोधपुछ गरेपनि सरकारी वकिलको उपस्थितिमा थप बयान लिन समस्या भएको हो ।
काठमाण्डौ जिल्ला अदालतले पहिलो पटक दिएको म्याद शुक्रबार सकिंदैछ । महराले बयान दिन नमाने पनि प्रहरीले अन्य प्रमाण संकलन गरेर २५ दिनभित्र सरकारी वकिल कार्यालयमा प्रतिवेदन पेश गर्नुपर्ने हुन्छ । यद्दपी प्रहरीले म्याद थपका लागि महरालाई आइतबार पुनः जिल्ला अदालत काठमाडौं लैजानेछ ।
