काठमाण्डौः सिन्धुपाल्चोकको पाँचपोखरी थाङ्गपाल गाउँपालिका वडा नम्बर ५ गुन्सामा एक युवकको बिभत्स हत्या गरिएको छ ।
पाँचपोखरी थाङ्पाल गाउँपालिका कै स्वर्गीय काजि गोलेका छोरा बर्ष २८ को बिजय गोलेको बिहिबार राति अन्दाजी १० बजे शिर छेदन गरि हत्या गरिएको इलाका प्रहरी कार्यलय मेलम्चीका प्रहरी निरिक्षक महेन्द्र दर्नालले जानकारी दिएका छन् ।
मृत गोलेको सोहि गाउँपालिकाकै बर्ष २३ का मिलन स्याङ्बो र बर्ष २४ का बम बहादुर स्याङबोले हत्या गरि फरार भएको प्रहरीको अनुसन्धानबाट पत्ता लागेको छ ।
फरार रहेका २ अभियुक्तको खोजि कार्य जारि रहेको जिल्ला प्रहरी कार्यलयले बताएको छ ।
मृतको बिछिप्त अवस्थामा रहेको शबलाई पोष्टमार्टमका लागि सदरमुकाम मेलम्ची लगिएको छ । बिहिबार दिउसो सामान्य विबाद भएको र त्यही विबादलाइ लिएर बेलुका मादक पदार्थ सेवन गरि हत्या गरिएको हुन सक्ने प्रहरीको अनुमान रहेको छ ।
