शेयर गर्नुहोस:
फन्ट परिवर्तन गर्नुहोस:
अ
अ
अ
काठमाडौँ । राष्ट्रपति रामचन्द्र पौडेलले सरकारले सिफारिस गरेका अध्यादेशहरूबारे औपचारिक परामर्श प्रक्रिया सुरु गरेका छन्। सोही क्रममा उनले आज दिउँसो ४ बजे वरिष्ठ कानून व्यवसायीहरूसँग विशेष छलफल गर्न लागेका हुन्।
राष्ट्रपति कार्यालय स्रोतका अनुसार छलफलका लागि संविधान, प्रशासन र कानुनी क्षेत्रमा ख्यातिप्राप्त कानुनविद्हरूलाई आमन्त्रण गरिएको छ। आमन्त्रितमा वरिष्ठ अधिवक्ताहरू शम्भु थापा, टिकाराम भट्टराई, पूर्णमान शाक्य, भीमार्जुन आचार्य, बिपिन अधिकारी, शेरबहादुर केसी र ललित बस्नेतलगायत रहेका छन्।
सरकारले हालै ६ वटा महत्वपूर्ण अध्यादेश जारी गर्न सिफारिस गरेको छ, जसले संवैधानिक संरचना, सहकारी क्षेत्र, विश्वविद्यालय प्रशासन, सार्वजनिक खरिद प्रणाली लगायतका क्षेत्रमा ठूलो नीतिगत परिवर्तन ल्याउने अपेक्षा गरिएको छ।
