काठमाण्डौः चिकित्सा शिक्षा आयोगले एमबीबीएस तथा बीडीएस अध्ययन गर्न गराउन नयाँ शिक्षण शुल्क तोकेको छ ।
आयोगको दुइ दिनसम्म बसेको बैठकले नेपाल राष्ट्र बैंकको आर्थिक वर्ष २०७५ को मुद्रा स्फितिका आधारमा शैक्षिक सत्र २०७६/०७७ का लागि नयाँ शूल्क कायम गरेको हो ।
नयाँ शुल्क अनुसार अब एमबीबीएस अध्ययन गराउने उपत्यका भित्रका कलेजले विद्यार्थीसंग ४० लाख २३ हजार २५० रुपैयाँ र उपत्यका बाहिरका कलेजले ४४ लाख ३६ हजार २५ रुपैयाँ लिन पाउने भएका छन् ।
यस्तै बीडीएसमा भने उपत्यका र उपत्यका बाहिर समान २० लाख १९ हजार ५८० रुपैयाँ लाग्नेछ ।
यसअघि एमबीबीएसको उपत्यका भित्रका कलेजका लागि ३८ लाख ५० हजार रुपैयाँ र उपत्यका बाहिर ४२ लाख ४५ हजार रुपैयाँ तथा बीडीएसका लागि उपत्यकामा १९ लाख ३२ हजार ६१२ रुपैयाँ तोकेको थियो ।
नयाँ शुल्क लागू भएसँगै विद्यार्थीले एमबीबीएसमा उपत्यका भित्र १ लाख ७३ हजार २५० रुपैयाँ र उपत्यका बाहिर १ लाख ९१ हजार २५ रुपैयाँ बढी तिर्नुपर्ने भएको छ । यस्तै बीडीएसमा ८६ हजार ९६८ रुपैयाँ बढी तिर्नुपर्ने हुन्छ ।
चिकित्सा शिक्षा आयोगको बैठकले गरेका निर्णयहरू जस्ताको तस्तैः
