काठमाण्डौ : दैलेख जिल्लाको नाभिस्थान शिरिस्थान लगायतका क्षेत्रमा पेट्रोयिम पदार्थको दोस्रो चरणको अन्वेषणका लागि चिनियाँ प्राविधिक टोली दैलेख पुगेका छ्न् ।
गत असार १६ मा नेपाल सरकारका उद्योग मन्त्री मातृका यादव र पूर्व उद्योग मन्त्री सोमप्रसाद पाण्डे सहित चिनियाँ प्राविधिक टोलिले १५ दिनसम्म स्थलगत अवलोकन गरि पेट्रोयिम पदार्थको पहिलो चरणको अन्वेषण गरेर फर्किएको थियो ।
चाइना जियोलोजिकल सर्भे र नेपालको खानी तथा भूगर्भ विभागबीच पेट्रोलियम पदार्थको सम्झौता दुई अर्ब ४० करोड रुपैयाँ अन्वेषण लागत पारित भएपछि पहिलो चरणको अन्वेषण सकेर फर्केको चिनियाँ प्राविधिक टोली दोस्रो चरणको अन्वेषणका लागि दैलेख आइपुगेको दैलेखका प्रमुख जिल्ला अधिकारी युवराज कट्टेललले बताएका छ्न् ।
खानी तथा भूगर्भ विभागका भूगर्भविद सुनिता भट्टराईले बिभागको टिमसहित ४ जना चिनियाँ प्राविधिक टोलीले दैलेखमा काम सुरु गरिरहेको बताएकी छिन् ।
दैलेखका प्रमुख जिल्ला अधिकारी कट्टेललले पेट्रोलियम पदार्थ दोस्रो चरणको अन्वेषणका लागि आएको चिनियाँ प्राविधिक टोलीका लागि जिल्ला सुरक्षा समितिको बैठक बसि सुरक्षा व्यवस्था मजबुत पारिएको जानकारी दिएका छ्न् ।
