काठमाण्डौ : राष्ट्रपति विद्यादेवी भण्डारी म्यान्मारको मैत्रीपूर्ण राजकीय भ्रमण पूरा गरी आईतबार जापान प्रस्थान गरेकी छिन् ।
यसअघि नै रास्ट्रपति भण्डारीले म्यान्मार राष्ट्रपति विन मिन्तको मैत्रीपूर्ण निमन्त्रणालाई स्वीकार गर्दै म्यान्मारको राजकीय भ्रमण पश्चचात जापान जाने कार्यतालिका रहेको थियो ।
राष्ट्रपति सहितको प्रतिनिधिमण्डल टोली थाई एयरवेजबाट बैंकक हुँदै जापान पुग्नेछ ।
१२६ औं सम्राट बनेर मे १ मा नै सिंहासन सम्हालेर बसेका नारोहितोको राज्याभिषेक भएको थिएन । राज्याभिषेक कार्यक्रमका लागि विश्वका विभिन्न देशका राजा र राष्ट्र प्रमुखहरुलाई आमन्त्रण गरिएको छ ।
जापान नयाँ युगमा प्रवेश गर्न लागेको घोषणा केही समय अघि गरिएको थियो । नारोहिता राजसिंहासनमा बसेसँगै जापानमा नयाँ युगको शुभारम्भ भएको छ । यस नयाँ युगको नाम रेइवा हो जो नारोहितोको शासनकाभरी चल्ने छ ।
राष्ट्रपति भण्डारी नारोहितोको राज्याभिषेकमा सहभागी भएर अक्टोबर २३ तारिख (कात्तिक ६ गते) स्वदेश फिर्ती हुने कार्यक्रम रहेको परराष्ट्र मन्त्रालय श्रोतले हरियाली नेपाललाई जानकारी दिएको छ ।
