काठमाण्डौं: भारतको जम्मु-कश्मिरस्थित भारतीय सेनाको तङ्गधार सेक्टरमा रहेको चौकीमा पाकिस्तानका सेनाले गोलीबारी गर्दा दुई गोर्खा सैनिकको मृत्यु भएको छ ।
कश्मिरको ग्रामीण क्षेत्रलाई लक्षित गरी पाकिस्तानी सेनाले गरेको गोलाबारीमा गोर्खा सैनिकद्धय हवल्दार पदमबहादुर श्रेष्ठ र राइफलम्यान गमिल कुमार श्रेष्ठको मृत्यु भएको हो । उनीहरू कहाँका निवासी हुन्, त्यसको पुष्टि हुन सकेको छैन ।
त्यसैगरी एलओसीको दुबै तर्फ सैनिकहरुको मृत्यु हुनुका साथै किटानीका रुपमा मृत्यु मएका सैनिकहरुको संख्या एकिन हुन सकेको छैन् । कश्मिरको कुप्रवास्थित टगंधार जिल्लामा २ जना भारतीय सेनाको मृत्यु भएको भारतीय समाचार माध्यमले जानकारी दिएको छ ।
साथै पाकिस्तान तर्फ १ जना पाकिस्तानी सेना लगायत ५ जना नागरीकहरूको मृत्यु भएको तथा ७ जनाको उपचार भईरहेको पाकिस्तानका जनरल आशिफ गफरुरले जानकारी दिएका छन् ।
जनरल आशिफ गफरुरका अनुसार ९ जना भारतीय सेनाहरुको पाकिस्तान चर्फ घुसपैठ गर्ने क्रममा मृत्यु हुनुका साथै भारतिय ट्याकं र बंकरहरु नष्ट गरेको बताएका छन् ।
पछिल्ला दुई महिनामा पाकिस्तानी सेनाको गोलीबारीमा परी ५ गोर्खा सैनिकको मृत्यु भईसकेको छ । भारतीय सेनाको कारबाहीमा करिब एक दर्जन पाकिस्तानी सेना र आतङ्ककारीहरू मारिएको भारतीय सेनाले बताएको छ ।
