काठमाण्डौं : नेपालका युवा लेग स्पिनर सन्दीप लामिछाने ‘द हन्ड्रेड’ क्रिकेट लिगमा ओभल इन्भेन्सिब्लेस टिमको तर्फबाट खेल्ने भएका छन् ।
आइतबार राति भएको ‘द हन्ड्रेड’ को ड्राफ्टबाट ओभल इन्भेन्सिब्लेसले सन्दीपलाई एक लाख पाउण्ड (नेपाली १ करोड ५० लाख) बराबरको रुपैयामा अनुबन्धित गरेको हो ।
ओभल इन्भेन्सिब्लेसलेको टिममा सन्दिप लगाएत अन्य चर्चित खेलाडिहरुमा साम करान, सुनिल नारिने, ज्यासन रोय, साम विलिङ्स, रिली रोसउव, टोम करान, रिस टोप्लिय, हर्डस भिल्जेन, फवियन एलन, एलक्स ब्लाक, विल ज्याक्स, क्रिस वोड, नाथन सोवटर र लउरी इभान्स रहेका छन् ।
विश्वका थुप्रै फ्रेन्चाइज लिग खेलिसकेका सन्दीपलाई ‘द हन्ड्रेड’ खेलका लागी इन्भेन्सिब्लेसले हालसम्मकै उच्च पारिश्रमिकमा अबन्धित गरेको हो ।
यसअघि कर्नाटक टस्कर्सले क्याटगरी ‘ए’ मा राख्दै युएईमा हुने टि–१० लिगमा डाफ्ट्रमार्फत सन्दीपलाई ४५ हजार अमेरिकन डलरमा अनुवन्धित गरेको थियो ।
इंग्ल्याण्ड र वेल्स क्रीकेट बोर्डको आयोजनामा आगामी वर्षको जुलाईमा हुने प्रतियोगतामा ८ टिमको सहभागिता रहेने भएको छ ।
