सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

‘साहित्यमा अर्थ–सामाजिक परिदृश्य’ छलफल

२०८३ श्रावण ३, आइतबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, ३ साउनः साहित्य सन्ध्याको ४७८औँ नियमित मासिक शृङ्खलामा शनिबार ‘साहित्यमा अर्थ–सामाजिक परिदृश्य’ विषयक छलफलसहित कविगोष्ठी सम्पन्न भएको छ ।

कार्यक्रममा नेपाल राष्ट्र बैँकका पूर्वगभर्नर डा दीपेन्द्रबहादुर क्षेत्रीले वर्तमान आर्थिक अवस्थाको विश्लेषण गर्दै यथार्थमा जीवनसँग नजोडिएको साहित्य साहित्य हुन नसक्ने भएकाले रोजगारीका लागि विदेशी भूमिमा जीवन घोटिरहेका नेपालीहरू आयआर्जनकै लागि पसिना बगाइरहेका विषय साहित्यमा आउनुपर्ने बताउनुभयो ।

“अहिले आर्थिक रूपमा जनताको जीवनस्तर दिनहुँ कष्टकर हुने सङ्केत देखिएको छ । तत्काल रोजगारी सृजना भइहाल्ने अवस्था पनि देखिएको छैन । साहित्यिक क्षेत्र पनि यो आर्थिक चपेटाबाट मुक्त हुने अवस्था देखिएको छैन”, अर्थविद् डा क्षेत्रीले भन्नुभयो, “वर्तमान एआईजस्ता प्रविधिले साहित्यकारका कृतिको प्रचारप्रसार, बजारीकरण, समूहीकृत गर्ने कुरामा सहयोग गर्ने अवस्थाचाहिँ रहेको छ र त्यसको सदुपयोग गरिनु आवश्यक छ ।”

नेपाल प्रज्ञा प्रतिष्ठानका पूर्वसदस्यसचिव प्रा जगत्प्रसाद उपाध्याय ‘प्रेक्षित’ले साहित्यकार सुमी लोहनीद्वारा संस्कृतको भागवतबाट अनुसिर्जित ‘अष्टावक्र महागीतामृत’ कृतिको परिचर्चाका साथै वाचित रचनाको टिप्पणी गर्नुभयो । उहाँले समाजका कुरूप पक्षमाथि प्रहार गर्दै रूपान्तरणको सन्देश दिन सकिए मात्रै सृजना उत्कृष्ट हुने बताउनुभयो ।

सो अवसरमा ओमप्रसाद कोइराला, नर्मदेश्वरी सत्याल, गायत्रीकुमार चापागाईँ, डा रूपनारयण श्रेष्ठ, महेशराज खरेल, राजन आचार्य, लक्ष्मण तिमल्सिना, चेवन बस्नेत, पोष चापागाईँ, कृष्ण बाउसे, शान्ता दाहाल, कृष्णप्रसाद पौडेल जस्ताघरे, कुमार नेपाल, डा मनोज जोशी, माधव प्रधान, नवराज श्रेष्ठ, डा गोविन्दप्रसाद आचार्य, जमुना आचार्य, शिवप्रसाद आचार्य, दिनेशराज खरेल, वैरागी जेठा, लीलाराज दाहाल, बलराम विष्ट, केदारनाथ आचार्य, एमपी पाण्डे र प्रमोद भण्डारीले रचना वाचन गर्नुभएको थियो ।

साहित्य सन्ध्याका अध्यक्ष राम विनयले सामाजिक विकृति तथा शासकीय विसङ्गतिका विरुद्धमा आवाज उठाउने वा बहसको थालनी गर्ने कार्यमा आफूहरू निरन्तर लाग्ने प्रतिबद्धता व्यक्त गर्नुभयो । रासस

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

सोलुखुम्बुमा दुई साहित्यकार सम्मानित, आशुकविता प्रतियोगितामा सञ्जीव भण्डारी प्रथम

गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान

अन्तर्राष्ट्रिय साहित्य सम्मेलनमा सहभागी हुन कुलपति नेपाल बंगलादेश प्रस्थान

‘प्रिय कर्णाली’मा कर्णालीको सभ्यता, पहिचान र सामाजिक रूपान्तरणको विमर्श

साहित्यिक गतिविधि ‘डिजिटल’ बनाउन जोड

कविता बाचन गर्दै मनाइयो महाकविको जन्मजयन्ती

पूर्वकुलपति कर्माचार्यलाई सयपत्री राष्ट्रिय सम्मान प्रदान

साहित्यकार मोतीशोभाका पाँच कृति एकैसाथ विमोचित

टीका–गोपाल राष्ट्रिय गीत सङ्गीत पुरस्कार साहित्यकार दाहाललाई

चिनियाँ सांस्कतिक टोली सम्मानित

विमल गुरुङ कृति पुरस्कार भुपिन र जुनुको कृतिलाई

सीमान्त समुदायको भाषा, साहित्य र पहिचान प्रवर्द्धन गर्न जुम्लामा साहित्य सम्मेलन