सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

विद्यालयमै प्रधानाध्यापकले छात्रामाथि बलात्कार गरेको आरोप

२०८३ श्रावण २६, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

बिहार, २६ साउन। रौतहट-बारा सँग सिमाना जोडिएको भारतको बिहारस्थित मोतिहारीमा गुरु- शिष्यको पवित्र सम्बन्धलाई कलंकित पार्ने गम्भीर घटना सार्वजनिक भएको छ।

विद्यालयका सञ्चालक तथा प्रधानाध्यापकमाथि आफ्नै विद्यालयमा अध्ययनरत एक नाबालिग छात्रालाई डरधम्की दिई बलात्कार गरेको आरोप लागेको छ।

घटना मोतिहारीको राजेपुर थाना क्षेत्रअन्तर्गत मनियारपुर गाउँको हो। आरोपित विक्की सिंह गाउँमै निजी विद्यालय सञ्चालन गर्दै आएका छन्। उनी सोही विद्यालयका सञ्चालक तथा प्रधानाध्यापकसमेत रहेको प्रहरीले जनाएको छ।
नाबालिग छात्रामाथि बलात्कारको आरोप

प्रहरीका अनुसार विक्की सिंहले आफ्नै विद्यालयमा अध्ययनरत एक नाबालिग छात्रालाई डर–धम्की देखाएर बलात्कार गरेको आरोप छ। घटनापछि छात्रा बेहोस भएको बताइएको छ। घटनाबारे परिवारले जानकारी पाएपछि आरोपितसँग सोधपुछ गर्दा उल्टै परिवारका सदस्यसँग अभद्र व्यवहार गरेको आरोपसमेत लागेको छ।

घटनापछि पीडित छात्राकी आमाले मोतिहारी महिला थानामा पुगेर विक्की सिंहसहित अन्य व्यक्तिविरुद्ध जाहेरी दिएकी छन्। प्रहरीले घटनासम्बन्धी काण्ड नम्बर ६९र२६ मा मुद्दा दर्ता गरी अनुसन्धान अघि बढाएको जनाएको छ। घटनाको विरोधमा स्थानीय बासिन्दासमेत आक्रोशित बनेका छन्। दोषीमाथि कडा कारबाही र पीडितलाई न्यायको माग गर्दै स्थानीय स्तरमा प्रदर्शनसमेत भएको बताइएको छ।

प्रहरीको दबाबपछि अदालतमा आत्मसमर्पण

मुद्दा दर्ता भएपछि प्रहरीले आरोपितलाई पक्राउ गर्न सम्भावित स्थानमा खोजी तथा छापामारी तीव्र बनाएको थियो। प्रहरीको दबाब बढ्दै गएपछि आरोपित विक्की सिंहले सोमबार मोतिहारीस्थित पोक्सो अदालतमा आत्मसमर्पण गरेका छन्। आत्मसमर्पणका क्रममा राजेपुर थानाध्यक्ष कुमार सौरभ र महिला थानाध्यक्ष मोना कुमारीसमेत अदालतमा उपस्थित थिए।

राजेपुर थानाध्यक्ष कुमार सौरभका अनुसार अदालतमा आत्मसमर्पण गरेपछि आरोपितलाई कानुनी प्रक्रियाअनुसार रिमान्डमा लिएर अनुसन्धान गरिनेछ। रिमान्डका क्रममा घटनाबारे विस्तृत सोधपुछ गर्नुका साथै घटनामा अन्य व्यक्तिको संलग्नता भए–नभएको लगायतका विषयमा समेत अनुसन्धान गरिने प्रहरीले जनाएको छ।

घटनामा लगाइएका आरोपबारे थप अनुसन्धान तथा अदालतको प्रक्रियाबाट तथ्य पुष्टि हुन बाँकी रहेको प्रहरीले जनाएको छ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

सुदूरपश्चिम विश्वविद्यालयमा राष्ट्रिय ह्याकाथन प्रतियोगिता सुरु

फोहरलाई स्रोतका रूपमा उपयोग गर्न प्रेरित गर्दै ‘आरयू फेस्ट’

विकेन्द्रीकरण विस्तारको तयारीमा त्रिवि

त्रिविले खुलायो M.Ed. र MSSEd विद्यार्थीलाई परीक्षा केन्द्र रोज्ने सुविधा

प्रवासीको सहयोगमा विद्यालय भवन निर्माण

विद्यालयका निम्ति जग्गा खरिद गर्न देउसीभैलोबाट जुट्यो नौ लाख

चिनियाँ दूतावासले बलान बिहुलमा शैक्षिक तथा स्वास्थ्य सामग्री सहयोग

अन्तरराष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ को आह्वान

टर्कीका शिक्षामन्त्रीसँगै मन्त्री पोखरेलको विद्यालय अवलोकन : बालमैत्री र हरित शिक्षाका अभ्यासबारे चासो

जलवायु अनुकूलनका लागि ‘राष्ट्रिय पाठ्यक्रम प्रारूप’ परिमार्जन गर्दैछौँ: शिक्षामन्त्री पोखरेल

निधि भवन राजर्षी जनक विश्वविद्यालयलाई हस्तान्तरण

गाउँमै उद्यम र रोजगारी सिर्जना गर्ने सम्भावना खोज्दै विद्यार्थी