सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

मोती पुरस्कारबाट युवा साहित्यकार चौधरी सम्मानित

२०८३ भाद्र २६, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, २६ भदौः युवा साहित्यकार इन्द्रबहादुर चौधरीलाई ‘युवा वर्ष मोती पुरस्कार, २०८२’ बाट सम्मानित गरिएको छ । नेपाली शिक्षा परिषद्ले आज काठमाडौँमा आयोजना गरेको १६१औँ मोतीजयन्ती समारोहमा साहित्यकार चौधरीलाई उक्त पुरस्कार प्रदान गरिएको हो ।

समारोहमा कीर्तिशेष साहित्यकारहरूको स्मृतिमा श्रद्धाञ्जली अर्पण, युवा वर्ष मोती पुरस्कार अर्पण, पुस्तक लोकार्पण तथा समस्यापूर्ति कवि सम्मेलनलगायत कार्यक्रम आयोजना गरिएको थियो ।

नेपाली साहित्यमा उल्लेखनीय योगदान पुर्‍याएको भन्दै परिषद्ले चौधरीलाई मोती पुरस्कार प्रदान गरेको परिषद्का अध्यक्ष रमा शर्माले जानकारी दिनुभयो । उहाँका अनुसार युवा पुस्तामाझ साहित्यिक सृजनाको विकास र नेपाली साहित्यको प्रवर्द्धनमा चौधरीले पुर्‍याएको योगदानको कदरस्वरूप सम्मान गरिएको हो ।

कार्यक्रमका प्रमुख अतिथि एवं जयतु संस्कृतम् संस्थाका अध्यक्ष डा बद्री पोखरेलले नेपाली साहित्यकारका सृजनाले देशको पहिचान अन्तरराष्ट्रियस्तरमा स्थापित गर्न महत्त्वपूर्ण भूमिका खेलेको बताउनुभयो । उहाँले साहित्यका माध्यमबाट नेपाल र नेपाली संस्कृतिलाई विश्वसामु चिनाउन साहित्यकारहरूको योगदान महत्त्वपूर्ण रहेको उल्लेख गर्नुभयो ।

“नेपाली साहित्यका कारण देशविदेशमा हाम्रो देशको नाम र साहित्य चिनाउन सफल भएको छ । साहित्यकारका कलमहरू साहित्यका क्षेत्रमा सधैँ चलिरहुन्”, उहाँले भन्नुभयो । सम्मानित साहित्यकार चौधरीले आफूलाई मोती पुरस्कारबाट सम्मानित गरिएकामा खुसी व्यक्त गर्दै आगामी दिनमा पनि नेपाली साहित्यको क्षेत्रमा निरन्तर कलम चलाइरहने प्रतिबद्धता व्यक्त गर्नुभयो ।

समारोहमा नेपाली शिक्षा परिषद्का सदस्य डा इन्दिरा शर्माको संस्मरणात्मक कृति ‘विगतलाई फर्केर हेर्दा’ समेत लोकार्पण गरिएको थियो । कार्यक्रममा साहित्य, भाषा तथा संस्कृतिका क्षेत्रमा योगदान पुर्‍याउने विभिन्न व्यक्तित्व एवं साहित्यकार, कविहरुको उल्लेख्य सहभागिता थियो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

सोलुखुम्बुमा दुई साहित्यकार सम्मानित, आशुकविता प्रतियोगितामा सञ्जीव भण्डारी प्रथम

गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान

अन्तर्राष्ट्रिय साहित्य सम्मेलनमा सहभागी हुन कुलपति नेपाल बंगलादेश प्रस्थान

‘प्रिय कर्णाली’मा कर्णालीको सभ्यता, पहिचान र सामाजिक रूपान्तरणको विमर्श

साहित्यिक गतिविधि ‘डिजिटल’ बनाउन जोड

कविता बाचन गर्दै मनाइयो महाकविको जन्मजयन्ती

पूर्वकुलपति कर्माचार्यलाई सयपत्री राष्ट्रिय सम्मान प्रदान

साहित्यकार मोतीशोभाका पाँच कृति एकैसाथ विमोचित

टीका–गोपाल राष्ट्रिय गीत सङ्गीत पुरस्कार साहित्यकार दाहाललाई

चिनियाँ सांस्कतिक टोली सम्मानित

विमल गुरुङ कृति पुरस्कार भुपिन र जुनुको कृतिलाई

सीमान्त समुदायको भाषा, साहित्य र पहिचान प्रवर्द्धन गर्न जुम्लामा साहित्य सम्मेलन