काठमाडौः पूर्वसांसद गायत्री साहले १० करोड क्षतिपूर्तिको माग गर्दै मेडिसिटी अस्पताल विरूद्ध अदालतमा मुद्दा हालेकी छिन् ।
पूर्वसांसद साहले अस्पतालले गलत रिपोर्ट दिएका कारण डाउन सिन्ड्रोम भएको बच्चा जन्माउनु परेको र त्यसको जीवनभरको उपचार खर्च भन्दै १० करोड रकम क्षतिपूर्तिस्वरूप माग गर्दे गत असोज २८ गते ललितपुर जिल्ला अदालतमा मुद्धा दर्ता गरेको अदालतले जनाएको छ ।
मेडिसिटी अस्पताल र त्यहाँका डाक्टरका कारण आर्थिक, मानसिक र शारीरिक क्षति भएको भन्दै उनले असोज २८ गते मुद्दा दायर गरेकी हुन् ।
साहले गत फाल्गुन २८ गते मेडिसिटी अस्पतालमा छोरालाई जन्म दिएकी थिइन् । तर, शारीरिक विकास नहुने किसिमको ‘डाउन सिन्ड्रोम’ भएको शिशु जन्मिएपछि उनले लामो समयसम्म बच्चा अस्पतालबाट लगिनन् ।
उच्च अदालत पाटनले आदेश दिएपछि शाहको परिवारले बच्चालाई मंगलवार राती १ वजे वुझेर लगेको हो।
