सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

‘अध्यक्ष विशेष छात्रवृत्ति कार्यक्रम’बाट विद्यार्थी लाभान्वित

२०८३ असोज १३, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

महेन्द्रनगर, १३ असोज : आदिवासी जनजाति समुदायका ८३ प्रतिशत विद्यार्थी अध्ययनरत कञ्चनपुरको लालझाडी गाउँपालिकाले प्रदान गरेको ‘अध्यक्ष विशेष छात्रवृत्ति कार्यक्रम’बाट बर्सेनि धेरै विद्यार्थी लाभान्वित भएको पाइएको छ ।

तीन वर्षयता पालिकाले स्थायी बसोबास गर्ने उच्च शिक्षा, स्नातक र स्नाकोत्तर तह अध्ययनरत विद्यार्थीलाई अध्यक्ष विशेष छात्रवृत्ति कार्यक्रममार्फत छात्रवृत्ति रकम उपलब्ध गराउँदै आएको छ ।

गाउँपालिका शिक्षा शाखाका प्रमुख सिद्धराज भट्टले अध्यक्ष विशेष छात्रवृत्ति कार्यक्रमबाट बर्सेनि एक सयभन्दा बढी जेहेन्दार र विपन्न परिवारका विद्यार्थीले छात्रवृत्ति पाउँदै आएको जानकारी दिनुभयो ।

“हामीले पालिकामा छात्रवृत्तिका लागि आवेदन पेस गर्न सूचना जारी गर्छौँ”, शाखा प्रमुख भट्टले भन्नुभयो, “विद्यार्थीले दिएको आवेदनका आधारमा सबैलाई विनियोजित वजेट वितरण गरिरहेका छौँ ।”

उहाँले आवेदन दिने प्राविधिक शिक्षा अध्ययरत विद्यार्थीलाई रु साढे १२ हजारदेखि १५ हजार र साधारण अध्ययनरत विद्यार्थीलाई रु दुई हजार पाँच सयदेखि रु तीन हजार प्रतिविद्यार्थीका लागि उपलब्ध गराउँदै आएको जानकारी दिनुभयो ।

प्रत्येक वर्ष पालिकाले सो कार्यक्रमअन्र्तगत रु पाँच लाख बजेट विनियोजन गर्दै आएको छ । उहाँले भन्नुभयो, “थोरै भए पनि पालिकासँगको समन्वयमा अध्ययनका लागि छात्रवृत्ति पाउने विषयले विद्यार्थीलाई प्रोत्साहन मिलिरहेको छ ।”

स्वीकृत वार्षिक बजेट कार्यक्रमअनुसार तीन वर्षदेखि छात्रवृत्ति रकम वितरण गर्दै आएको छ । पालिकाले चालु आर्थिक वर्षका लागि पनि उक्त कार्यक्रमका लागि बजेट विनियोजन गरिएको पालिकाका अध्यक्ष निर्मल रानाले बताउनुभयो ।

अध्यक्ष रानाले भन्नुभयो, “शिक्षामा सबैको पहुँच होस् भनी कार्यक्रम लागू गरिएको हो ।” सोह्र सामुदायिक विद्यालय र नौ संस्थागन गरी २५ विद्यालय रहेको उक्त पालिकाअन्तर्गतका विद्यालयमा करिब पाँच हजार विद्यार्थी अध्ययनरत रहेको पालिकाको शिक्षा शाखाले जनाएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

फोहरलाई स्रोतका रूपमा उपयोग गर्न प्रेरित गर्दै ‘आरयू फेस्ट’

विकेन्द्रीकरण विस्तारको तयारीमा त्रिवि

त्रिविले खुलायो M.Ed. र MSSEd विद्यार्थीलाई परीक्षा केन्द्र रोज्ने सुविधा

प्रवासीको सहयोगमा विद्यालय भवन निर्माण

विद्यालयका निम्ति जग्गा खरिद गर्न देउसीभैलोबाट जुट्यो नौ लाख

चिनियाँ दूतावासले बलान बिहुलमा शैक्षिक तथा स्वास्थ्य सामग्री सहयोग

अन्तरराष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ को आह्वान

टर्कीका शिक्षामन्त्रीसँगै मन्त्री पोखरेलको विद्यालय अवलोकन : बालमैत्री र हरित शिक्षाका अभ्यासबारे चासो

जलवायु अनुकूलनका लागि ‘राष्ट्रिय पाठ्यक्रम प्रारूप’ परिमार्जन गर्दैछौँ: शिक्षामन्त्री पोखरेल

निधि भवन राजर्षी जनक विश्वविद्यालयलाई हस्तान्तरण

गाउँमै उद्यम र रोजगारी सिर्जना गर्ने सम्भावना खोज्दै विद्यार्थी

त्रिविको जग्गा फिर्ता ल्याउनेदेखि शैक्षिक वातावरण सुधार्नेसम्मका विषयमा मन्त्रालयको चासो