सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

बाढीको सूचना पाएलगत्तै देखि प्रतिकार्यको काम भइरहेको छ : प्रधानमन्त्री

२०८३ असोज २५, आइतबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । बूढीगण्डकी नदीमा लेदोसहितको बाढी आएपछि प्रधानमन्त्री बालेन्द्र शाह (बालेन) ले खोजी तथा उद्धार कार्यलाई तीव्र बनाउन सरकारका निकायहरू परिचालन गरिएको बताएका छन्। बाढीमा परी पाँच जना बेपत्ता भएको जानकारी दिँदै उनले प्रभावित क्षेत्रमा खोजी तथा उद्धार जारी रहेको बताएका हुन्।

आइतबार साँझ फेसबुकमार्फत घटनाबारे जानकारी दिँदै प्रधानमन्त्री शाहले गोरखाको चुमनुव्री गाउँपालिका–६ स्थित लोक्पा र चुम्लिङबीच गएको पहिरोका कारण बूढीगण्डकी नदीमा बाढी आएको र त्यसले तल्लो तटीय क्षेत्रमा ठूलो क्षति पुर्‍याएको उल्लेख गरेका छन्।

उनका अनुसार बाढीले झोलुङ्गे तथा पक्की पुल, टेलिफोन टावर, बिजुलीका पोल, निर्माणाधीन बूढीगण्डकी हाइड्रोको क्याम्प क्षेत्र, निर्माण उपकरण र आसपासका घरहरू बगाएको छ।

प्रधानमन्त्रीले बाढीको सूचना प्राप्त हुनासाथ सुरक्षा निकाय तथा सम्बन्धित सरकारी निकायहरूलाई प्रतिकार्यमा परिचालन गरिएको बताएका छन्। प्रभावित क्षेत्रमा नेपाली सेना, नेपाल प्रहरी र सशस्त्र प्रहरी बलका गरी ४३७ जना सुरक्षाकर्मी खटिएका छन् भने नेपाली सेनाका चारवटा हेलिकोप्टर पनि परिचालन गरिएको छ।

बाढीमा बेपत्ता भएकाहरूको खोजी भइरहेको छ। यसैबीच, गोरखाको सल्लेरीस्थित निर्माणाधीन बूढीगण्डकी हाइड्रोका १२ कर्मचारीसहित ४८ जनालाई उद्धार गरी सुरक्षित स्थानमा राखिएको प्रधानमन्त्री शाहले जानकारी दिएका छन्।

सम्भावित जोखिमबारे पूर्वसूचना दिन गोरखा, धादिङ, तनहुँ, चितवन तथा नवलपरासीका जिल्लामा २२१ जना प्रतिकार्यकर्तालाई तत्काल परिचालन हुन एसएमएस पठाइएको थियो। जलविज्ञान तथा जलस्रोत अनुसन्धान केन्द्र र बाढी पूर्वानुमान महाशाखामार्फत गोरखादेखि चितवनको बेनिघाटसम्मका सर्वसाधारणलाई दुई चरणमा करिब दुई लाख एसएमएस पठाएर पूर्वसूचना सम्प्रेषण गरिएको पनि उनले बताएका छन्।

बाढीको कारण पत्ता लगाउन भूगर्भविद्सहित तीन सदस्यीय विज्ञ टोली ड्रोनसहित परिचालन गरिएको छ। सडक सञ्चालन तथा क्षतिग्रस्त पूर्वाधार पुनःनिर्माणका लागि सडक विभाग र स्थानीय पूर्वाधार विकास विभागका अधिकारीहरू पनि प्रभावित क्षेत्रमा खटिएका छन्। आरुघाटमा बेलिब्रिज जडानको तयारीसमेत थालिएको प्रधानमन्त्रीले बताएका छन्।

प्रधानमन्त्री शाहले प्रभावित क्षेत्रको जनजीवन सामान्य बनाउन र क्षतिग्रस्त पूर्वाधार पुनः सञ्चालनमा ल्याउन सरकारले आवश्यक कदम अघि बढाएको उल्लेख गर्दै बूढीगण्डकी नदीको तटीय क्षेत्रमा बसोबास गर्ने नागरिकलाई सुरक्षित स्थानमा रहन, जोखिमयुक्त पुल तथा सडक प्रयोग नगर्न र स्थानीय प्रशासन तथा सुरक्षा निकायको निर्देशन पालना गर्न आग्रह गरेका छन्।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

‘शिक्षा सुधारमा स्थानीय तह र समुदायको भूमिका महत्त्वपूर्ण हुन्छ’

सडक पूर्वाधार निर्माणमा सेनाको महत्वपूर्ण योगदान छः राष्ट्रपति

महादेवटार सुरुङ ‘ब्रेक थ्रु’

राष्ट्रपति पौडेलसमक्ष तीन नवनियुक्त राजदूतले लिए पद तथा गोपनीयताको शपथ

कार्तिक शुक्ल षष्ठीः राष्ट्रपति पौडेलद्वारा गुह्येश्वरीमा छठीमाताको पूजा आराधनासहित अर्घदान

सुशासन र समृद्धि प्राप्तिमा छठी माता र सूर्य भगवान्को कृपा बनिरहनेछः राष्ट्रपति पौडेल

राष्ट्रपति पौडेलद्वारा सर्वोच्चका लागि चार न्यायाधीश नियुक्त

महागुरु फाल्गुनन्दको मार्गनिर्देशबाट नैतिक, सभ्य र एकताबद्ध समाज निर्माणमा बल पुगेको छः राष्ट्रपति पौडेल

नेपाल संवत्ले सामाजिक समानताको दिशामा अघि बढ्न प्रेरणा प्रदान गर्ने राष्ट्रपतिको विश्वास

तिहारले आपसी सद्‌भाव र समृद्धिको भावना अभिवृद्धि गर्छ : राष्ट्रपति पौडेल

राष्ट्रपति पौडेलद्वारा गाई पूजा

‘चाडपर्वले अन्य जीवप्रतिको प्रेम र कृतज्ञता बढाओस्’ : प्रधानमन्त्री शाह