सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

जयन्ती मावि आवासीयमा रुपान्तरण

२०८३ असोज २७, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

म्याग्दी, २७ असोजः म्याग्दीको बेनी नगरपालिका–३ भकिम्लीमा सामुदायिक विद्यालयलाई आवासीय रुपमा सञ्चालन गर्न थालिएको छ ।

भकिम्लीमा रहेको जयन्ती माविलाई समुदायको अगुवाइ, सक्रियता र बेनी नगरपालिकाको सहयोगमा आवासीयमा रुपान्तरण गरिएको हो । जयन्ती माविका प्राधानाध्यापक मनबहादुर पुनले अपायक पर्ने टोल, विपन्न र अनाथ बालबालिकालाई छात्रावास सञ्चालन गरेर आवासीय सुविधा दिन थालिएको बताउनुभयो ।

कमजोर विद्यार्थीको सिकाइ उपलब्धि वृद्धि गर्नु पनि आवासीय विद्यालय सञ्चालन गर्नुको अर्को उद्देश्य रहेको उहाँले बताउनुभयो । “अभिभावक नभएका, पारिवारिक समस्यामा परेका र विपन्न समुदायका बालबालिकालाई निशूल्क खाने, बस्ने ब्यवस्थासहित छात्रावास सञ्चालन गरेका हौँ,” प्रअ पुनले भन्नुभयो, “नयाँ शैक्षिक सत्रदेखि सुरु भएको छात्रावास र आवासीय सुविधा नगरपालिकाले सिफारिस गरेका अन्य वडाका बालबालिकालाई पनि दिने व्यवस्था मिलाइएको छ ।”

विद्यालय भवनको भुई तलाको दुई वटा कोठालाई छात्र र छात्राहरुको लागि फरक फरक आवासको व्यवस्था मिलाइएको छ । हाल दुई जना छात्रासहित आठ जना छात्रावासमा बस्ने गरेका छन् । विद्यालय वरपरका इच्छुक विद्यार्थीहरुलाई लक्षित गरेर बिहान ६ः०० देखि साँझ ६ः०० बजेसम्म अतिरिक्त कक्षा सञ्चालन तथा दिवा छात्रावास सञ्चाल गरिएको प्रअ पुनले बताउनुभयो ।

दिवा छात्रावासमा ३० जना विद्यार्थी छन् । छात्रावासमा बस्न थालेपछि दैनिक दुई घण्टा पैदल हिँडेर घरबाट विद्यालय जानुपर्ने समस्या हटेको बेनी नगरपालिका–३ हल्लेगौडाकी अस्मी घर्तीमगरले बताउनुभयो । अस्मी जयन्ति माविको कक्षा ८ का छात्रा हुनुहन्छ ।

कक्षा १० सम्म पठनपाठन हुने विद्यालयमा कूल विद्यार्थी सङ्ख्या एक सय २१ जना छन् । छात्रावासमा बस्ने विपन्न विद्यार्थीका लागि खाने, बस्ने सहित पोशाक, सरसफाइ सामग्री, झोला, कापी कलम पनि निःशुल्क उपलब्ध गराइएको प्रअ पुनले बताउनुभयो ।

दुई जना शिक्षकलाई अतिरिक्त सुविधा दिएर छात्रावास व्यवस्थापनको जिम्मेवारी दिइएको छ । विद्यालय नजिक घर भएका शिक्षकहरुले आलोपालो गरेर छात्रावासका विद्यार्थीलाई पढाउने गर्नुभएको छ । हालसम्म समुदायस्तरमा सहयोग जुटाएर एक जना भान्छेको तलब, खाद्यान्न र तरकारीको व्यवस्थापन गरिएको छ ।

छात्रावास र दिवा खाजाका लागि एक वटा प्लास्टिक घर बनाएर तरकारीखेती पनि गरिएको शिक्षक डेक घर्तीले बताउनुभयो । बेनी नगरपालिकाले जयन्ती माविलाई आवासीय विद्यालयको रुपमा सञ्चालनका लागि निरन्तरता दिने योजना बनाएको छ ।

बेनी –३ का वडाध्यक्ष पदम पुनले जयन्ती माविको छात्रावास सञ्चालन र व्यवस्थापनका लागि नगरपालिकाले यस आर्थिक वर्ष २०८३÷०८४ मा रु सात लाख विनियोजन गरेको जानकारी दिनुभयो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

फोहरलाई स्रोतका रूपमा उपयोग गर्न प्रेरित गर्दै ‘आरयू फेस्ट’

विकेन्द्रीकरण विस्तारको तयारीमा त्रिवि

त्रिविले खुलायो M.Ed. र MSSEd विद्यार्थीलाई परीक्षा केन्द्र रोज्ने सुविधा

प्रवासीको सहयोगमा विद्यालय भवन निर्माण

विद्यालयका निम्ति जग्गा खरिद गर्न देउसीभैलोबाट जुट्यो नौ लाख

चिनियाँ दूतावासले बलान बिहुलमा शैक्षिक तथा स्वास्थ्य सामग्री सहयोग

अन्तरराष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ को आह्वान

टर्कीका शिक्षामन्त्रीसँगै मन्त्री पोखरेलको विद्यालय अवलोकन : बालमैत्री र हरित शिक्षाका अभ्यासबारे चासो

जलवायु अनुकूलनका लागि ‘राष्ट्रिय पाठ्यक्रम प्रारूप’ परिमार्जन गर्दैछौँ: शिक्षामन्त्री पोखरेल

निधि भवन राजर्षी जनक विश्वविद्यालयलाई हस्तान्तरण

गाउँमै उद्यम र रोजगारी सिर्जना गर्ने सम्भावना खोज्दै विद्यार्थी

त्रिविको जग्गा फिर्ता ल्याउनेदेखि शैक्षिक वातावरण सुधार्नेसम्मका विषयमा मन्त्रालयको चासो