काठमाडौ : राप्रपा (संयुक्त)ले प्रदेश नं ३ को राजधानी नुवाकोट बनाउन माग गरेको छ । नुवाकोटलाई प्रादेशीक राजधानी तोक्न माग गर्दै राप्रपाले जिल्ला प्रशासन कार्यालय नुवाकोटमा ज्ञापनपत्र वुझाएको हो ।
प्रमुख जिल्ला अधिकारी मार्फत प्रदेश ३ का मुख्यमन्त्रीलाई ज्ञापनपत्र बुझाईएको सो पार्टिका केन्द्रिय प्रवक्ता जनकराज पाठकले बताएका छन् ।
नुवाकोट चीन निर्यात गर्ने समान उत्पादन गर्न बिशेष आर्थिक क्षेत्र निर्माण गर्नको लागि चाहिने पानी, बिजुली, राष्ट्रिय र अन्तराष्ट्रिय राजमार्ग नुवाकोटमा उपलब्ध हुने राप्रपाको दावी छ ।
नुवाकोट खाद्यान्न निर्यात गर्ने जिल्ला रहेको र आगामी दिनमा चीनसँग जोड्ने सुरुङ्गमार्ग बनेपछि प्रमुख राष्ट्रिय र अन्तराष्ट्रिय बजारसँग यातातातको सुबिधा अझ व्यापक र सस्तो हुने माग पत्रमा उल्लेख गरिएको छ ।
विभिन्न कारण सहित नुवाकोट देशको पहाडी क्षेत्रको मूल औद्योगिक थलो हुनसक्ने भन्दै राप्रपा संयुक्तले नुवाकोट जिल्लालाई प्रदेश ३ को राजधानी बनाउन माग गरेको हो ।
