सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

सुधाकर दलेला नेपालका लागि नयाँ भारतीय राजदूत नियुक्त, यस्ताे छ पृष्ठभुमी

२०८३ असोज ३१, शनिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं, ३१ असोज । सुधाकर दलेला नेपालका लागि नयाँ भारतीय राजदूतमा नियुक्त भएका छन्। भारतीय विदेश मन्त्रालयका अनुसार उनले छिट्टै नै काठमाडौं आएर आफ्नो कार्यभार सम्हाल्नेछन्।

यसअघि उनी भारतीय विदेश मन्त्रालयमा आर्थिक सम्बन्ध सचिवका रूपमा कार्यरत थिए। उनी सन् २०२५ सेप्टेम्बर १ देखि मन्त्रालयमा सचिव (आर्थिक सम्बन्ध) को जिम्मेवारीमा थिए।

कुशल कूटनीतिक अनुभव

सन् १९९३ ब्याचका भारतीय विदेश सेवा (IFS) का अधिकारी दलेलाले इजरायलको तेल अभिभबाट आफ्नो कूटनीतिक करियरको शुरुआत गरेका थिए। त्यसयता उनले ब्रासिलिया, शिकागो, ढाका, जेनेभा, थिम्पु र वासिङ्टन डीसीस्थित भारतीय नियोगहरूमा महत्त्वपूर्ण जिम्मेवारी सम्हालिसकेका छन्। राजदूत नियुक्त हुनुअघि उनले सन् २०२२ देखि २०२५ सम्म भुटानका लागि भारतको राजदूतको रूपमा सेवा गरेका थिए।

छिमेकी मुलुक र नेपाल मामिलाका जानकार

दलेलासँग नयाँ दिल्लीस्थित कूटनीतिक वृत्तमा पनि लामो अनुभव छ। उनले प्रधानमन्त्रीको कार्यालयमा निर्देशक (सन् २००९–२०११) को भूमिका निर्वाह गर्दै दक्षिण एसिया, पूर्वी एसिया, इन्डो-प्यासिफिक, खाडी मुलुक, मध्य पूर्व र अफ्रिकातर्फको भारतीय सम्बन्ध विस्तारमा काम गरेका थिए।

त्यस्तै, विदेश मन्त्रालयमा निर्देशक (उत्तर– सन् २००६ देखि २००७) र सह-सचिव (उत्तर– सन् २०१६ देखि २०१९) को रूपमा उनले नेपाल र भुटानसँगको द्विपक्षीय सम्बन्धको जिम्मेवारी सफलतापूर्वक सम्हालिसकेका छन्।

व्यापार नीति तथा बहुपक्षीय फोरममा अनुभव

कूटनीतिक क्षेत्रबाहेक उनले नयाँ दिल्लीस्थित वाणिज्य विभागमा निर्देशक (व्यापार नीति) र विश्व व्यापार संगठनस्थित भारतको स्थायी नियोगमा दुई पटक (सन् २०१४–२०१६ मा उप-स्थायी प्रतिनिधिको रूपमा समेत) सेवा पुर्‍याएका छन्।

भारतीय विदेश सेवामा प्रवेश गर्नुपूर्व दलेलाले इलेक्ट्रोनिक्स इन्जिनियरिङमा स्नातक (इन्जिनियरिङ) पूरा गरेका थिए। नेपाल र भुटान मामिला नजिकबाट बुझेका अनुभवी कूटनीतिकज्ञ दलेलाको नियुक्तिलाई अर्थपूर्ण रूपमा हेरिएको छ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रहरी कर्मचारीका गुनासा सुन्न केन्द्रीय डेस्क स्थापना

नेपाली सेनाले जनताको सूचनाको हकको सम्मान गर्छः प्रवक्ता श्रेष्ठ

सहायक रथी राजेन्द्र श्रेष्ठले सम्हाले नेपाली सेनाको प्रवक्ताको जिम्मेवारी

दूरसञ्चार सेवा प्रदायकलाई जरिवाना र ब्याज मिनाहाको सुविधा

सहकारी ठगी मुद्दामा नेपाली सहित सात जनालाई कैद र जरिवाना

जब्दीघाटमा नयाँ पुल निर्माणका लागि ठेक्का सम्झौता

कानुनी व्यवस्था मिलाएर पीडितलाई राहत दिन्छौँ: सभामुख अर्याल

दक्षिण सुडानमा नेपाली शान्ति सैनिकको अन्तर्राष्ट्रिय सम्मान, १२६ जनाले पाए यूएन पदक

नेपालको ऋण मुक्तिको सङ्कल्पले महालक्ष्मी विशेष साधना

‘विपदमा संगठनको नेतृत्वदायी भूमिका राज्यको विपद् प्रतिकार्य क्षमताको महत्त्वपूर्ण आधार बनेको छ’ : नेपाली सेना

काठमाडौँ महानगरद्वारा ‘जलवायुका लागि बालबालिका’ शीर्षकमा भिडियो प्रतियोगिता

‘नमस्कार, मेरा चिनियाँ डाक्टर’ वृत्तचित्र प्रदर्शनी