सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

आवाजमा समस्या छ ? भरतपुर अस्पतालमा सुरु भयो भ्वाइस थेरापी सेवा

२०८३ कार्तिक १, आइतबार
शेयर गर्नुहोस:
फन्ट परिवर्तन गर्नुहोस: अ अ अ

चितवन, कात्तिक १ गते  । आवाजमा परिवर्तन आउने, स्वर बस्ने तथा बोल्दा आवाज थाक्ने समस्याबाट पीडित बिरामीलाई लक्ष्य गरी भरतपुर अस्पतालले स्वर उपचार (भ्वाइस थेरापी) सेवा सुरु गरेको छ ।

अस्पतालका श्रवण, बोली तथा भाषा विशेषज्ञ सुषमा लामिछानेले स्वरमा समस्या भएका बिरामीको अवस्था र समस्याको कारण पहिचान गरी आवश्यकता अनुसार उपचार सेवा प्रदान गरिने बताउनुभयो । लामो समयसम्म स्वर भासिने, घाँटीमा असहज महसुस हुने र बोल्दा आवाज कमजोर हुँदै जाने समस्या भएका व्यक्तिले यो सेवा लिन सक्ने छन् ।

स्वरयन्त्रमा हुने समस्या, स्नायुप्रणालीसँग सम्बन्धित गडबडी तथा अन्य कारणले आवाजमा परिवर्तन आउन सक्ने विशेषज्ञ लामिछानेले बताउनुभयो । स्वरयन्त्रका पर्दामा गाँठो वा मासु पलाउने, ती पर्दा पूर्ण रूपमा जोडिन नसक्ने तथा स्वरयन्त्रमा पक्षाघात हुने अवस्थाले पनि आवाजमा असर पार्न सक्ने उहाँको भनाइ छ ।

पुरुषमा असामान्य रूपमा पातलो आवाज हुने तथा महिलामा अपेक्षाभन्दा मोटो वा गहिरो आवाज हुने समस्यामा पनि आवश्यकता अनुसार स्वर उपचार गर्न सकिने उहाँले जानकारी दिनुभयो ।

स्वर, बोली र भाषा उपचार फरक फरक सेवा भएकाले बिरामीको समस्या अनुसार उपचार विधि निर्धारण गरिने अस्पतालले जनाएको छ । स्वर उपचार गराउन चाहने बिरामीले सुरुमा अस्पतालको नाक, कान तथा घाँटी विभागमा परीक्षण तथा परामर्श लिनुपर्ने छ । चिकित्सकको मूल्याङ्कनपछि आवश्यक ठहरिए स्वरयन्त्रको भित्री अवस्था जाँच गरेर उपचार प्रव्रिmया अघि बढाइने छ ।

अस्पतालका प्रवक्ता डा. रामप्रसाद सापकोटाले स्वरसम्बन्धी समस्याको समयमै पहिचान र उपचार गर्न सेवा सुरु गरिएको बताउनुभयो । लामो समयसम्म आवाजमा समस्या भइरहेमा त्यसलाई सामान्य ठानेर बेवास्ता नगर्न उहाँले आग्रह गर्नुभयो । अस्पतालले आगामी दिनमा बोली तथा भाषा उपचार सेवालाई समेत थप व्यवस्थित र गुणस्तरीय बनाउँदै लैजाने जनाएको छ ।

काठमाडौँ उपत्यकाबाहिर धेरै बिरामीको सेवा दिने यस अस्पतालमा दर्जनभन्दा धेरै विशिष्टीकृत सेवा प्रदान गर्दै आएको अस्पतालका मेडिकल सुपरिन्टेन्डेन्ट डाक्टर विश्वबन्धु बगालेले जानकारी दिनुभयो । अस्पतालमा अहिले छ सयभन्दा धेरै श-या रहेका छन् भने दैनिक तीन हजारभन्दा बढी बिरामीले सेवा लिँदै आएका छन् । नेपालमा दैनिक सबैभन्दा धेरै स्वास्थ्य बिमाका बिरामीले यही अस्पतालबाट सेवा लिँदै आएका पनि उहाँले बताउनुभयो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मनकामना धाममा सेनाको निःशुल्क स्वास्थ्य शिविर, ५०० जनाले लिए सेवा

एन्टिमाइक्रोबियल औषधिको जथाभावी प्रयोग रोक्न मन्त्री मेहताको जोड

नेपालगञ्जमा रगत अभाव

रोग लाग्नै नदिने स्वस्थ्य वातावरण आवश्यकः स्वास्थ्यमन्त्री मेहता

लुम्बिनीका १० जिल्ला कुष्ठरोगको जोखिममा

कपालमा चाया किन पर्छ ? जान्नुहोस् मुख्य कारण र बच्ने उपाय

एमबीबीएसमा १० हजार ३२१ उत्तीर्ण, दुई हजार ७४५ सिटका लागि प्रतिस्पर्धा

भरतपुर अस्पतालमा बिरामीको चाप बढ्यो

गेटा स्वास्थ्य विज्ञान विश्वविद्यालय सञ्चालनमा कुनै बहाना नगर्न आग्रह

विशेषज्ञ चिकित्सक अभावमा चौतारा अस्पतालको सेवा प्रभावित

प्रतिजैविक प्रतिरोध न्यूनीकरण गर्न साझा प्रयास आवश्यकः मन्त्री मेहता

जटिल प्रसूति समस्याकी गर्भवतीको हवाई उद्धार