काठमाण्डौं : लिबियास्थित दक्षिणी त्रिपोलीको फौजी कारबाहीमा १६ जना विद्रोही लडाकू मारिएका छन् ।
मृत्यु हुने विद्रोहीहरु मुलुकको वैधानिक सेना भन्ने हफ्तार समूहमा आबद्ध लडाकु हुन् ।
सेनाले लिवियाको अल–यारमुक क्षेत्रलाई नियन्त्रणमा लिई विद्रोहीका हातहतियार तथा सवारी साधन कब्जामा लिएको सरकारी सेनाले एक विज्ञप्ति मार्फत जानकारी दिएको छ ।
लिबियाको पूर्वी क्षेत्र नियन्त्रणमा लिई बसोबास गरिरहेका विद्रोहीहरले गत अप्रिलदेखि लिवियाको राजधानी त्रिपोली र आसपास सरकारी सेनाका विरुद्धमा भिषण युद्ध जारी नै रहेको साथै विद्रोही सेनाको हवाई आक्रमणमा परी दक्षिणी त्रिपोलीका सरकारी सेनाको हातहतियार भण्डारमा ठूलो क्षति पुगेको लिविया सेनाले दाबी गरेको छ ।
पूर्वी र पश्चिमी सरकारका रुपमा विभाजित लिवियाका विद्रोही जनरल खलिफा हफ्तार समूहले संयुक्तराष्ट्र संघद्वारा मान्यताप्राप्त सरकार विस्थापित गर्ने उद्देश्यका साथ राजधानीका त्रिपोली सहित विभिन्न भागमा आक्रमण गरि रहेको छ ।
लिवियामा सन् २०११ मा तत्कालीन लिबियाली नेता मोउमार गद्दाफीको शासनकाल पश्चात सो क्षेत्रमा राजनीतिक द्वन्द्व सुरु भएको हो ।
