सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

भोटेकोशी बाढीमा बेपत्ता सैनिक चन्दको दुई महिनापछि कुशको शव बनाएर अन्त्येष्टि

२०८३ कार्तिक ८, आइतबार
शेयर गर्नुहोस:
फन्ट परिवर्तन गर्नुहोस: अ अ अ

कञ्चनपुर । गत भदौ १० गते आएको विनाशकारी भोटेकोशी बाढीमा बेपत्ता भएका कञ्चनपुरका २५ वर्षीय नेपाली सेनाका जवान श्याम चन्दको दुई महिनापछि अन्त्येष्टि गरिएको छ। बाढीमा बेपत्ता भएपछि लामो समयसम्म खोजी गर्दा पनि उनको अवस्था पत्ता लाग्न नसकेपछि परिवारले कुशको शव बनाएर धार्मिक परम्पराअनुसार अन्त्येष्टि गरेको हो।

भीमदत्त नगरपालिका–८ निवासी चन्द नेपाली सेनामा अमलदार दर्जामा कार्यरत थिए। २०७० सालमा नेपाली सेनामा भर्ना भएका उनी रसुवास्थित शिवनाथ गणको मैलुङ पोस्टमा खटिएका बेला भोटेकोशी नदीमा आएको बाढीमा परी बेपत्ता भएका थिए। बाढीपछि उनको खोजी गरिए पनि दुई महिनासम्म कुनै अत्तोपत्तो लाग्न सकेन।

लामो समयसम्म पनि चन्दको अवस्था पत्ता नलागेपछि परिवारले उनको अन्तिम संस्कार गर्ने निर्णय गरेको हो। आइतबार नेपाली सेनाले उनलाई अन्तिम सलामी दिएको थियो। त्यसपछि कञ्चनपुरको भुजेला आर्यघाटमा कुशको शव बनाएर अन्त्येष्टि गरिएको हो।

कर्तव्यमा खटिएका बेला प्राकृतिक विपद्मा परी बेपत्ता भएका चन्दको अवस्था पत्ता नलागेपछि परिवार शोकमा डुबेको छ। लामो समयसम्म प्रियजनको खबर पर्खिए पनि कुनै जानकारी नपाएपछि परिवारले परम्पराअनुसार अन्तिम संस्कार गरेको हो। उनको बेपत्ता अवस्थाले परिवार र आफन्तलाई गहिरो पीडा दिएको छ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रहरी कर्मचारीका गुनासा सुन्न केन्द्रीय डेस्क स्थापना

नेपाली सेनाले जनताको सूचनाको हकको सम्मान गर्छः प्रवक्ता श्रेष्ठ

सहायक रथी राजेन्द्र श्रेष्ठले सम्हाले नेपाली सेनाको प्रवक्ताको जिम्मेवारी

दूरसञ्चार सेवा प्रदायकलाई जरिवाना र ब्याज मिनाहाको सुविधा

सहकारी ठगी मुद्दामा नेपाली सहित सात जनालाई कैद र जरिवाना

जब्दीघाटमा नयाँ पुल निर्माणका लागि ठेक्का सम्झौता

कानुनी व्यवस्था मिलाएर पीडितलाई राहत दिन्छौँ: सभामुख अर्याल

दक्षिण सुडानमा नेपाली शान्ति सैनिकको अन्तर्राष्ट्रिय सम्मान, १२६ जनाले पाए यूएन पदक

नेपालको ऋण मुक्तिको सङ्कल्पले महालक्ष्मी विशेष साधना

‘विपदमा संगठनको नेतृत्वदायी भूमिका राज्यको विपद् प्रतिकार्य क्षमताको महत्त्वपूर्ण आधार बनेको छ’ : नेपाली सेना

काठमाडौँ महानगरद्वारा ‘जलवायुका लागि बालबालिका’ शीर्षकमा भिडियो प्रतियोगिता

‘नमस्कार, मेरा चिनियाँ डाक्टर’ वृत्तचित्र प्रदर्शनी