काठमाडौँ । नेपाली सेनाका उपरथी अनुपजंग थापाको नाम रथी पदमा बढुवाका लागि सिफारिस भएको छ। बलाधिकृत रथी प्रदीपजंग केसीको अध्यक्षतामा बसेको बढुवा सिफारिस बोर्डको बैठकले थापाको नाम रथी बढुवाका लागि सिफारिस गरेको हो।
बढुवा सिफारिससम्बन्धी निर्णयप्रति चित्त नबुझे उजुरी गर्न सकिने व्यवस्था गर्दै बोर्डले सात दिनको समय दिएको छ। सैनिक स्रोतका अनुसार यससम्बन्धी सूचना सोमबार प्रकाशित गरिएको हो।
उक्त सूचनामार्फत बढुवा सिफारिसमा परेका विषयमा असहमति वा गुनासो भए तोकिएको समयभित्र उजुरी दिन सकिने जानकारी गराइएको छ।
सेनाका बलाध्यक्ष रथी गणेश श्रेष्ठले अवकाश पाएपछि रिक्त हुन लागेको पदमा थापाको नाम सिफारिस गरिएको हो।
बढुवा सिफारिसको सातदिने उजुरी अवधि पूरा भएपछि प्राप्त उजुरी तथा सम्बन्धित प्रक्रियाका आधारमा थप निर्णय अघि बढ्ने जनाइएको छ ।
