सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

दुई लाख उडान घण्टा पूरा गरेको सैनिक हवाई सेवाको शिलालेख प्रधानसेनापतिद्वारा अनावरण

२०८३ कार्तिक ११, बुधबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । नेपाली सेनाको सैनिक हवाई सेवाले दुई लाखभन्दा बढी उडान घण्टा पूरा गरेको छ । उक्त उपलब्धिको अवसरमा बुधबार काठमाडौँस्थित गौचर ब्यारेकमा आयोजित विशेष कार्यक्रममा प्रधानसेनापति अशोकराज सिग्देलले निर्माण गरिएको शिलालेख अनावरण गरेका छन् ।

सोही अवसरमा प्रधानसेनापति सिग्देलले ‘सैनिक हवाई सेवा विगतदेखि वर्तमानसम्म’ नामक पुस्तकसमेत विमोचन गरेका छन् । नेपाली सेनाको जङ्गी अड्डाका अनुसार सैनिक हवाई सेवा विसं २०२२ सालमा स्थापना भएको हो ।

स्थापनाकालदेखि सैनिक हवाई सेवाले विभिन्न परिस्थितिमा हवाई साधनमार्फत सेवा प्रदान गर्दै आएको छ । विशेषगरी विपद् व्यवस्थापन, खोज तथा उद्धार र कठिन भौगोलिक परिस्थितिमा आवश्यक सेवा पुर्‍याउन यसले महत्त्वपूर्ण भूमिका निर्वाह गर्दै आएको नेपाली सेनाले जनाएको छ ।

दुर्गम क्षेत्रमा राहत सामग्री पुर्‍याउने, विपद्का बेला उद्धार कार्यमा सहयोग गर्ने तथा आपत्कालीन अवस्थामा हवाई सेवा उपलब्ध गराउने काममा सैनिक हवाई सेवा परिचालित हुँदै आएको छ । दुई लाखभन्दा बढी उडान घण्टा पूरा हुनु यस सेवाको दीर्घकालीन सञ्चालन र अनुभवसँग जोडिएको उपलब्धिका रूपमा रहेको छ ।

कार्यक्रममा नेपाली सेनाका बलाधिकृत, रथीहरू, नेपाल नागरिक उड्डयन प्राधिकरणका पदाधिकारी तथा सैनिक हवाई सेवामा कार्यरत र अवकाशप्राप्त रथी एवं अधिकृतहरूको उपस्थिति थियो ।

दुई लाखभन्दा बढी उडान घण्टा पूरा गरेको अवसरमा आयोजित कार्यक्रमले सैनिक हवाई सेवाको इतिहास, योगदान र संस्थागत यात्रालाई स्मरण गर्नुका साथै यस क्षेत्रमा कार्यरत तथा अवकाशप्राप्त जनशक्तिको योगदानलाई समेत उजागर गरेको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रहरी कर्मचारीका गुनासा सुन्न केन्द्रीय डेस्क स्थापना

नेपाली सेनाले जनताको सूचनाको हकको सम्मान गर्छः प्रवक्ता श्रेष्ठ

सहायक रथी राजेन्द्र श्रेष्ठले सम्हाले नेपाली सेनाको प्रवक्ताको जिम्मेवारी

दूरसञ्चार सेवा प्रदायकलाई जरिवाना र ब्याज मिनाहाको सुविधा

सहकारी ठगी मुद्दामा नेपाली सहित सात जनालाई कैद र जरिवाना

जब्दीघाटमा नयाँ पुल निर्माणका लागि ठेक्का सम्झौता

कानुनी व्यवस्था मिलाएर पीडितलाई राहत दिन्छौँ: सभामुख अर्याल

दक्षिण सुडानमा नेपाली शान्ति सैनिकको अन्तर्राष्ट्रिय सम्मान, १२६ जनाले पाए यूएन पदक

नेपालको ऋण मुक्तिको सङ्कल्पले महालक्ष्मी विशेष साधना

‘विपदमा संगठनको नेतृत्वदायी भूमिका राज्यको विपद् प्रतिकार्य क्षमताको महत्त्वपूर्ण आधार बनेको छ’ : नेपाली सेना

काठमाडौँ महानगरद्वारा ‘जलवायुका लागि बालबालिका’ शीर्षकमा भिडियो प्रतियोगिता

‘नमस्कार, मेरा चिनियाँ डाक्टर’ वृत्तचित्र प्रदर्शनी