सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

बाली लगाइएका जमिनबाट पानी निकासको व्यवस्था गर्न आह्वान

२०८३ कार्तिक १४, शनिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, १४ कात्तिकः कृषि विभागले धानबाली, फलफूल बगैँचा, नर्सरीहरू, तरकारी र उखुबाली लगाइएका जमिनबाट पानी निकासको व्यवस्था गर्न किसानलाई आग्रह गरेको छ ।

विभागले विकसित भइरहेको ‘अर्नब’ चक्रवातका कारण मौसममा आएको फेरबदललाई अध्ययन गरेर किसानलाई वर्षातको अवधिभर पशुचौपायालाई ओसारपसार नगर्न पनि आह्वान गरेको हो ।

विभागले कृषि सञ्चार तथा मानव संशाधन विकास केन्द्रसँग समन्वय गरी राष्ट्रिय कृषि प्रविधि सूचना केन्द्रमार्फत किसानलाई सचेत गराएको छ । मौसममा आएको प्रतिकूलता कारण खाद्य बालीमा हुने क्षति न्यूनीकरणका लागि बाली नकाट्न तथा भण्डार नगर्न सूचनासहितको एसएमएस किसानलाई पठाएर उच्च सतर्कता अपनाउन आग्रह गरिएको विभागले जनाएको छ ।

बिहीबारदेखि मौसममा आएको फेरबदलले देशका विभिन्न स्थानमा मेघगर्जन, चट्याङ र हावाहुरीसहित हल्कादेखि मध्यम वर्षा भइरहेको र केही स्थानमा आइतबारसम्म भारी वर्षाको सम्भावना रहेको विभागले जनाएको छ ।

जल तथा मौसम विज्ञान विभागको विश्लेषणका आधारमा विभागले नकाटेको धानलाई मौसम सफा भई पानी पर्न रोकिएको तीन-चार दिनपछि मौसमको अवस्था हेरी काट्न भनेको छ । सातवटै प्रदेशका मन्त्रालयहरूलाई पत्राचार गरी स्थानीय तहका संयन्त्रमार्फत किसानलाई सचेत गराउन निर्देशन दिइएको जनाइएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

माछा मार्ने क्रममा करेन्ट लागेर राईको मृत्यु

खलामा धान भर्दै स्थानीय सरकार

प्राङ्गारिक खेती गर्न ७५ प्रतिशत अनुदान दिँदै टेम्केमैयुङ

गोसाइँकुण्ड बाह्रै महिना पदयात्राका लागि आकर्षक गन्तव्य बन्दै

खहरेमा पुल निर्माण सुरु

कम उमेर र जबर्जस्ती विवाह अन्त्यका लागि ध्यानाकर्षण

बाली भित्र्याए पनि भकारी जोगाउनै मुस्किल

दुई महिनादेखि खत्याड–रारा सडक अझै अवरुद्ध

काठमाडौंका यी क्षेत्रमा आज र भोलि ५ घण्टा विद्युत् अवरुद्ध हुने

सवारी दुर्घटनामा एकको मृत्यु, चार घाइते

नागढुंगा-मुग्लिन सडक आजदेखि पाँच घण्टा बन्द

नागढुङ्गा-मुग्लिन सडक दैनिक पाँच घण्टा बन्द हुने