सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

तारकेश्वरमा सार्वजनिक यातायात विस्तार हुँदै, साझा यातायातसँग नगरपालिकाको सम्झौता

२०८३ कार्तिक १७, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । तारकेश्वर नगरपालिकाका नागरिकलाई सहज, सुरक्षित र भरपर्दो सार्वजनिक यातायात सेवा उपलब्ध गराउने उद्देश्यले नगरपालिका र साझा यातायात सहकारी संस्था लिमिटेडबीच बस सेवा सञ्चालनसम्बन्धी समझदारी भएको छ।

समझदारीअनुसार तारकेश्वर नगरपालिकाले साझा बस सञ्चालनका लागि आवश्यक व्यवस्था गर्ने भएको छ। यससँगै नगरपालिकाका विभिन्न क्षेत्रलाई काठमाडौंका प्रमुख आवागमन केन्द्रसँग जोड्ने सार्वजनिक यातायात सेवा सञ्चालनको प्रक्रिया अघि बढ्ने भएको हो।

प्रस्तावित रुटअनुसार सुन्धारादेखि महाराजगञ्ज, नयाँ बसपार्क, मुड्खु, तिनपिप्ले चोक, चिसापानी, सानो बाइपास, धर्मस्थली, जरङ्खु, नेपालटार हुँदै बालाजु बाइपाससम्म बस सञ्चालन गरिनेछ। बस सोही रुट हुँदै पुनः फर्किने प्रस्ताव गरिएको छ।

यो सेवा सञ्चालनमा आएपछि तारकेश्वरका विद्यार्थी, कर्मचारी, व्यवसायी, ज्येष्ठ नागरिक तथा सर्वसाधारणको दैनिक आवागमन सहज हुने अपेक्षा गरिएको छ। साथै शिक्षा, स्वास्थ्य, रोजगारी, व्यापार तथा आर्थिक गतिविधिमा समेत सकारात्मक प्रभाव पर्ने नगरपालिकाको विश्वास छ।

समझदारीपत्रमा तारकेश्वर नगरपालिकाका तर्फबाट नगरप्रमुख कृष्णहरि महर्जन, प्रमुख प्रशासकीय अधिकृत धर्मराज लम्साल र वडा नं. ३ का अध्यक्ष परशुराम अर्यालले हस्ताक्षर गरेका छन्। त्यसैगरी साझा यातायातका तर्फबाट अध्यक्ष सुशीलराज प्याकुरेल र प्रमुख कार्यकारी अधिकृत भूपेन्द्र अर्यालले हस्ताक्षर गरेका छन्।

कार्यक्रममा नगरपालिकाका कर्मचारी तथा सम्बन्धित प्रतिनिधिहरूको उपस्थिति रहेको थियो।

साझा यातायातसँगको यो समझदारीलाई तारकेश्वरमा सार्वजनिक यातायात सेवा विस्तार तथा व्यवस्थित सहरी आवागमनको दिशामा महत्वपूर्ण पहलका रूपमा हेरिएको छ। बस सेवा सञ्चालनमा आएपछि नगरवासीले सार्वजनिक यातायातमा थप सुविधा पाउने अपेक्षा गरिएको छ।

May be an image of text

May be an image of text

May be an image of blueprint, ticket stub and text

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रहरी कर्मचारीका गुनासा सुन्न केन्द्रीय डेस्क स्थापना

नेपाली सेनाले जनताको सूचनाको हकको सम्मान गर्छः प्रवक्ता श्रेष्ठ

सहायक रथी राजेन्द्र श्रेष्ठले सम्हाले नेपाली सेनाको प्रवक्ताको जिम्मेवारी

दूरसञ्चार सेवा प्रदायकलाई जरिवाना र ब्याज मिनाहाको सुविधा

सहकारी ठगी मुद्दामा नेपाली सहित सात जनालाई कैद र जरिवाना

जब्दीघाटमा नयाँ पुल निर्माणका लागि ठेक्का सम्झौता

कानुनी व्यवस्था मिलाएर पीडितलाई राहत दिन्छौँ: सभामुख अर्याल

दक्षिण सुडानमा नेपाली शान्ति सैनिकको अन्तर्राष्ट्रिय सम्मान, १२६ जनाले पाए यूएन पदक

नेपालको ऋण मुक्तिको सङ्कल्पले महालक्ष्मी विशेष साधना

‘विपदमा संगठनको नेतृत्वदायी भूमिका राज्यको विपद् प्रतिकार्य क्षमताको महत्त्वपूर्ण आधार बनेको छ’ : नेपाली सेना

काठमाडौँ महानगरद्वारा ‘जलवायुका लागि बालबालिका’ शीर्षकमा भिडियो प्रतियोगिता

‘नमस्कार, मेरा चिनियाँ डाक्टर’ वृत्तचित्र प्रदर्शनी