सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

लमजुङको खुदीमा मंसिर ४ देखि हरिबोधिनी ठुली एकादशी मेला हुने

२०८३ कार्तिक १८, बुधबार
शेयर गर्नुहोस:
फन्ट परिवर्तन गर्नुहोस: अ अ अ

लमजुङ, कात्तिक १८ गते । लमजुङको मर्स्याङ्दी गाउँपालिका–३, खुदीमा हरिबोधिनी ठुली एकादशी मेलाको तयारी तीव्र पारिएको छ । आगामी मंसिर ४ देखि ९ गतेसम्म सञ्चालन हुने मेलामा खेलकुद प्रतियोगिता, सांस्कृतिक कार्यक्रम, धार्मिक गतिविधि तथा कृषि प्रदर्शनी आयोजना गरिने भएको छ ।

“विविधतामा एकता हाम्रो पहिचान, इतिहास, धर्म संस्कृतिको संरक्षण हाम्रो अभियान” मूल नारासाथ आयोजना हुन लागेको मेलाको खुदी युथ क्लबले संयोजन गर्न लागेको हो ।

मेलाको पहिलो दिन मंसिर ४ गते फूलको डोली (तोरन) तार्ने, भजनकीर्तन, एकादशी सांस्कृतिक साँझ तथा उदघाटन समारोह आयोजना गरिने खुदी युथले जनाएको छ । सांस्कृतिक साँझमा राष्ट्रिय कलाकार अर्जुन सापकोटासहित स्थानीय कलाकार प्रशान्त तामाङ लगायतको प्रस्तुति रहनेछ ।

मेलाका अवसरमा खुला छेलो, वडास्तरीय क्लब पुरुष भलिबल, खुला पुरुष फुटबल तथा महिला कुर्सी दौड प्रतियोगिता सञ्चालन हुनेछन् । खुला पुरुष फुटबल प्रतियोगितामा विजेता टोलीले एक लाख रुपियाँ र उपविजेताले ६० हजार रुपियाँ पुरस्कार प्राप्त गर्नेछन् ।

फुटबलतर्फ सर्वोत्कृष्ट खेलाडीलाई दुई हजार पाँचसय तथा सर्वाधिक गोलकर्ता र उत्कृष्ट गोलरक्षकलाई जनही दुई हजार रुपियाँ प्रदान गरिने आयोजक खुदी युथका अध्यक्ष विशाल रावलले जानकारी दिनुभयो ।

त्यस्तै, वडास्तरीय क्लब पुरुष भलिबल प्रतियोगितामा प्रथम हुने टोलीले ३० हजार र द्वितीय हुने टोलीले २० हजार रुपियाँ पुरस्कार पाउनेछन् । सर्वोत्कृष्ट खेलाडीलाई एक हजार पाँचसय तथा उत्कृष्ट सेटर र स्पाइकरलाई जनही एक हजार रुपियाँ प्रदान गरिने आयोजकले जनाएको छ ।

खुला छेलो प्रतियोगितामा प्रथम, द्वितीय र तृतीय हुनेले क्रमशः पाँच हजार, तीन हजार र दुई हजार रुपियाँ पुरस्कार प्राप्त गर्नेछन् । सबै प्रतियोगिताका विजेता तथा उत्कृष्ट खेलाडीलाई ट्रफी, मेडल र प्रमाणपत्र प्रदान गरिनेछ ।

मेलाअन्तर्गत मंसिर ५ गते खुदी स्वास्थ्य चौकीको समन्वयमा निःशुल्क मिर्गौला परीक्षण शिविर सञ्चालन गरिनेछ । मेलामा कृषि प्रदर्शनी तथा खरिदबिक्री कार्यक्रम पनि राखिएको छ । मेलाबाट बचत भएको रकम तथा क्लबको आर्थिक स्रोतलाई सामाजिक हित, स्थानीय संस्कृति संरक्षण र सिर्जनात्मक कार्यक्रमको विकासमा उपयोग गरिने क्लबले जनाएको छ ।

मेलालाई मर्स्याङ्दी गाउँपालिकाले मुख्य प्रायोजन तथा वडा नं. ३ ले सहप्रायोजन गरेको छ । मेलाले स्थानीय कला, संस्कृति र खेलकुदको प्रवर्धनसँगै धार्मिक परम्पराको संरक्षण, पर्यटन विकास तथा स्थानीय समुदायबिच आपसी सद्भाव अभिवृद्धिमा योगदान गर्ने अपेक्षा गरिएको गाउँपालिका अध्यक्ष अर्जुन गुरुङले बताउनुभयो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

पाल्पाको सत्यवती मेला आजदेखि सुरु

चाँगुनारायण मन्दिरमा बिहानैदेखि भक्तजनको घुइँचो

हरिबोधनी एकादशीमा तुलसी विवाह, चतुर्मास सकिएसँगै शुभकार्य सुरु

आस्था र परम्पराको सङ्गम लड्केश्वर मेला

कार्तिक शुक्ल एकादशीः तुलसी–दामोदरको विधिपूर्वक विवाह गरिँदै

आज शुक्रबार, कस्तो छ तपाईंको राशिफल?

आजको राशिफल : १२ राशिमध्ये कसलाई मिल्दैछ भाग्यको साथ, कसलाई रहनुपर्ला सावधान ?

आज कुष्माण्ड नवमी

नमोबुद्ध जात्रा : करुणा र देहत्यागको बौद्ध मान्यता जोडिएको ऐतिहासिक मेला

आज बुधबार, कुन राशिका लागि कति शुभ ? हेर्नुहोस् राशिफल

मुक्तिनाथ रथयात्रा सम्पन्न, आजदेखि एकमहिने महायज्ञ सुरु हुँदै

आज मंगलबार, गणेशको दर्शन गर्दै थाहा पाउनुहोस् तपाँइको राशिफल