सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

छठी माई र सूर्य भगवानलाई नेपाली सेनाले विशेष परेडसहित सलामी दिने

२०८३ कार्तिक २४, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । छठ पर्वको अवसरमा वीरगञ्जमा नेपाली सेनाले छठी माई र सूर्य भगवान्लाई विशेष सैनिक परेडसहित सलामी अर्पण गर्ने भएको छ। वीरगञ्ज महानगरपालिका–१० स्थित घडिअर्वा छठघाटमा छठ पर्वको मुख्य दिन कात्तिक २९ गते आइतबार साँझ विशेष कार्यक्रम आयोजना गर्न लागिएको हो।

श्रीपुरस्थित नेपाली सेनाको श्रीजंग गणबाट प्रमुख सेनानी लोकेन्द्र कार्कीको नेतृत्वमा सैनिक टोली वाद्यवादनसहित मार्च गर्दै घडिअर्वा छठघाट पुग्ने कार्यक्रम रहेको छ। सैनिक टोलीले छठघाट परिसरमा रहेको सूर्य भगवान्को मन्दिरमा सैनिक विधिअनुसार छठी माई र सूर्य भगवान्लाई सलामी अर्पण गर्नेछ।

प्रमुख सेनानी कार्कीले छठ पर्वप्रतिको आस्था र लोकप्रियतालाई सम्मान गर्दै सलामी कार्यक्रमलाई यस वर्ष पनि निरन्तरता दिन लागिएको जानकारी दिए। नेपाली सेनाले सबै धर्म, संस्कृति, परम्परा र चाडपर्वको सम्मान गर्दै आएको उल्लेख गर्दै उनले यस कार्यक्रमले धार्मिक तथा सांस्कृतिक सद्भाव अभिवृद्धिमा सहयोग पुग्ने विश्वास व्यक्त गरे।

घडिअर्वा छठपूजा व्यवस्थापन समितिका अध्यक्ष राकेश कुमार साहका अनुसार छठ पर्वप्रति सम्मान प्रकट गर्ने उद्देश्यले स्थानीयवासीको सल्लाहमा गत वर्ष नेपाली सेनासँग सलामी कार्यक्रम सञ्चालन गर्न आग्रह गरिएको थियो।

स्थानीयवासीको आग्रहपछि नेपाली सेनाले सहमति जनाएसँगै गत वर्षदेखि घडिअर्वा छठघाटमा छठी माई र सूर्य भगवान्लाई सैनिक सलामी अर्पण गर्ने कार्यक्रम सुरु भएको हो। उक्त कार्यक्रमलाई यस वर्ष पनि निरन्तरता दिन लागिएको अध्यक्ष साहले बताए।

छठ पर्व नेपालको तराई–मधेश क्षेत्रमा विशेष श्रद्धा र उल्लासका साथ मनाइने प्रमुख धार्मिक तथा सांस्कृतिक पर्व हो। यस पर्वमा व्रतालुहरूले अस्ताउँदो र उदाउँदो सूर्यलाई अर्घ्य अर्पण गरी छठी माईको पूजा आराधना गर्ने परम्परा छ।

वीरगञ्जमा नेपाली सेनाले आयोजना गर्न लागेको विशेष सलामी कार्यक्रमले छठ पर्वको धार्मिक महत्त्वलाई सम्मान गर्नुका साथै नेपाली समाजमा रहेको धार्मिक सहिष्णुता, सांस्कृतिक विविधता र सामाजिक एकताको सन्देश प्रवाह गर्ने अपेक्षा गरिएको छ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रहरी कर्मचारीका गुनासा सुन्न केन्द्रीय डेस्क स्थापना

नेपाली सेनाले जनताको सूचनाको हकको सम्मान गर्छः प्रवक्ता श्रेष्ठ

सहायक रथी राजेन्द्र श्रेष्ठले सम्हाले नेपाली सेनाको प्रवक्ताको जिम्मेवारी

दूरसञ्चार सेवा प्रदायकलाई जरिवाना र ब्याज मिनाहाको सुविधा

सहकारी ठगी मुद्दामा नेपाली सहित सात जनालाई कैद र जरिवाना

जब्दीघाटमा नयाँ पुल निर्माणका लागि ठेक्का सम्झौता

कानुनी व्यवस्था मिलाएर पीडितलाई राहत दिन्छौँ: सभामुख अर्याल

दक्षिण सुडानमा नेपाली शान्ति सैनिकको अन्तर्राष्ट्रिय सम्मान, १२६ जनाले पाए यूएन पदक

नेपालको ऋण मुक्तिको सङ्कल्पले महालक्ष्मी विशेष साधना

‘विपदमा संगठनको नेतृत्वदायी भूमिका राज्यको विपद् प्रतिकार्य क्षमताको महत्त्वपूर्ण आधार बनेको छ’ : नेपाली सेना

काठमाडौँ महानगरद्वारा ‘जलवायुका लागि बालबालिका’ शीर्षकमा भिडियो प्रतियोगिता

‘नमस्कार, मेरा चिनियाँ डाक्टर’ वृत्तचित्र प्रदर्शनी