काठमाण्डौ: पूर्वराज्यमन्त्री सहित २५ जना जुवाको खालबाट पक्राउ परेका छन् ।
आईतबार बिहान करिब २ बजे काठमाडौं महानगरपालिका वडा नम्बर ३ पिपलमार्ग स्थित बिक्रम गौतमको घरमा जुवा खेलिरहेको विशेष सूचनाको आधारमा प्रहरीले छापा मारेर उनीहरुलाई पक्राउ गरेको हो ।
पक्राउ पर्नेहरुको साथबाट हालसम्मकै ठूलो परिमाणको रकम प्रहरीले बरामद गरेको छ । प्रहरीले जुवाको खालबाट २ करोड ७० लाख नगद बैंक अफ काठमाडौंको ३ लाखको चेक १ थान, ३२ थान कौडा, ४ बुक तास बरामद गरेको महानगरीय प्रहरी परिसर काठमाण्डौले जनाएको छ ।
पक्राउ पर्नेहरुमध्ये पूर्वराज्यमन्त्रीको नाम भने प्रहरीले गोप्य राखेको छ । जुवातासमा उच्च व्यापारिक घराना र प्रतिष्ठित भनिएका व्यक्तिहरु संग्लनता रहेको प्रहरीले जनाएको छ ।
जुवाखालबाट पक्राउ पर्नेहरु मध्य क्यासिनो किङ’ बलराम सापकोटा, सोबित सिलबाल लगायतको समेत अनुसन्धान भइरहेको प्रहरी बृत्त महाराजगन्जका डिएसपी उमेश लम्सालले बताएका छन् ।
