काठमाण्डौ: कुकुर तिहारको दिन पूर्वराजदूतको हत्यारा पत्ता लगाउँने कुकुरलाई सम्मानित गरिएको छ ।
नेपाल प्रहरीको कुकुर तालिम केन्द्रमा कुकुर तिहारको अवसरमा जोली नामक कुकुरलाई अवार्ड दिइएको हो ।
पूर्वराजदूत झाको २०७५ भदौ ३ गते आफ्नै निवासमा हत्या पश्चात् प्रहरी कुकुर तालिम स्कुलबाट खटाइएको ‘जोली’ कुकुरको सहयोगमा अभियुक्तसम्म प्रहरी पुगि हत्यारालाइ पत्ता लगाएको थियो।
निज झाको घरमा सहयोगिका रुपमा रहेका सानुकान्छा तामाङसमक्ष जोली पुगेको थियो । हत्या, चोरी, डकैती, लुटपाट, अपहरण जस्ता आपराधिक घटनाको अनुसन्धानमा सघाएर जोलीले आफूलाई अब्बल सावित गरिसकेको छ ।
यही कारण नेपाल प्रहरीमा कुकुर स्कुल स्थापना भएको ५१ वर्षको अवसरमा जोलीले ‘बेस्ट डग अफ द एयर’ को सम्मान पाएको छ ।
अपराध अनुसन्धानका क्रममा प्रमुख सहयोगी मानिएको कुकुलाई प्रहरी प्रधान कार्यालय अन्तरगतको महाराजगञ्जस्थित कुकुर तालिम केन्द्रसहित देशभरका कार्यालयमा आइतबार पूजा गरिएको छ ।
